روايه أحببت محارب بقلم نشوه عادل

وراحت فتحت الباب
ياسمين ببرود _ خير
صفاء _ ماهو اسمعي بقي مش علشان جيتي جديده هنا يبقي تقعدي هانم لا يا ماما إنت هتشتغلي معانا في شغل البيت مش تقعدي هانم حاطة رجل علي رجل وإحنا نخدم ساعدتك
ياسمين بصتلها وقالت ببرود _ خلصتي
صفاء بصت ليها پحقد ياسمين بصت ليها _ لو خلصتي اتفضلي انزلي تحت علشان تعبانه من السفر وعايزه انام واه بقولك انا محدش يحكمني أعمل إيه ولا معملش ايه فاهمه انا اعمل كل حاجه بمزاجي وبعدين حتي لو عملت ده بس ذوق منى مش اكتر وبعدين انا مش هطلب حاجه من حد فيكو أنا لما هعوز حاجه ليا هعملها لنفسي إنا مش كتعه فاهمه يا عسل وبلاش تيجي علي سكتي علشان أنا فرصتي پالدم ويلا بره بقي مش ناقصه صداع

صفاء مشيت من قدامها بعصبيه _ ماشي ماشي ونزلت
ياسمين قفلت الباب وهي بتنفخ وقالت _ اوف لازم أخد حظري من البت دي هي وامها دول مش طايقني من ساعه ماجيت بس انا مش هديهم فرصه يعملو فيا حاجه وبعدين فردت علي السرير بتعب وراحت في النوم في ثانيه
عند يونس
كان بيكلم جاسر
يونس _ طيب انا كده عايز اروح بكره هتيجي معانا ولا إيه
جاسر بفرحه _ أكيد طبعا مدام ياسمين راحت مع بابا انا كده اطمنت هعدي عليكو بكره بدري ايمن جاي معانا
يونس _ أكيد طبعا ماهو زي ماهيساعدني إنت كمان هساعدو
جاسر ضحك _ طيب يلا اسيبك إنا علشان عندى شغل
يونس _ ماشي يا جوكر
جاسر بضحك _ إنت لسه مسكها مخلاص خلصنا من اللعبه دي
يونس ضحك _ بصرآحه اتعودت

جاسر ضحك وبعد كدة قفلو
صفاء پغضب _ إلبت دي مش سهله ياما وأنا عايزه امشيها من هنا
فاطمه پغضب _ هي البت عملت ليكو حاجه ماهي لسه جايه النهارده انتو اللي مش طايقنها هي عملت ليكو إيه
صفاء بصتلها بعصبيه _ بقولك اية يا بت انتي خليكي في حالك
فاطمه قامت وقالت _ ماشي يا صفاء بس خلي بالكو لو حد جه جمب ياسمين أنا أللى هقفلو فاهمين وخرجت من الاوضه
صفاء پغضب _ أنا مش عارفه البت دي معانا ولا معاها
كريمه _ سيبك منها المهم تعالي اقولك هنعمل معاها إيه
تآني يوم يونس جهز الشنط بتاعته هو وايمن ونزلو تحت العماره استنو جاسر
يونس اتصل بيه وقال بضيق _ متخلص ياعم انت أي ماشي علي قشر بيض
جاسر بضحك _ الله كنت بفول العربيه علشان متعطلش منا في السكه
يونس _ ماشي يا أخويا إنت فين دلوقتي
جاسر _ أنا داخل عليك أهو
يونس شافه _ آه خلاص شوفتك سلام
جاسر نزل من العربيه وهو لابس النضاره الشمس بتاعته وقال بهزار _ جاهزون يا أبطال
ايمن بضحك _ هاي هاي كابتن
يونس بصلهم _ وحياه أمك إنت وهو بذمتكو ده منظر ناس شغاله في المخابرات

ايمن بصله _ أنا قولتها قبل كده مش شرط علشان تبقي ظابط مخابرات تبقي قفيل يا قفل إنت
يونس پغضب _ طب أظبط بدل ما اظبطك
جاسر بعصبيه مصطنعه _ ولد انت وهو ايه انت هتتخنقو قدامي مفيش احترام ليا إيه قله الادب دي
يونس بصله وقاله _ اسكت يلا ويلا علي العربيه
جاسر شال الشنطه وحاطها في العربيه _ تحت أمرك يا كبير
ايمن ضحك _ هههه اهم حاجه الثبات على المبدا
جاسر ضحك _ اومال ده يونس يعني مش أي كلام بعد كده حطو الشنط في العربيه وركبو
ايمن وهو بيطلع من الشباك وقال بتمثيل _ الوداع يا صبا الوداع يا حبي هجيلك تأنى يا حرقه قلبي عليكي يا حبيبتي هتوحشيني طمني عليك وأقول فين القيك مشتاق لعيناك
يونس شد جوه بعصبيه _ متبطل عبط بقس هو إنت هتهاجر ده إيه النيله السودا دي
جاسر ضحك _ سيبو يا يونس الواد يا عيني مجروح وهيبعد عن حبيبته اوعدك يا ايموني اخلص موضوع يونس وياسمين وهجمعك بحبيبتك يا غالي

ايمن بفرحه _ بجد يا جاسر لولولولى يارب يا ياسمين قلبك يحن علي يونس قول امين يا يونس
يونس _ لا ده إنت أهبل بجد بقى اعقل يا حبيبي اعقل
ايمن بضيق _ يا أخويا منا علي طول عاقل خدت إيه إنا بالعقل
يونس پصدمه _ لا مش ممكن ايمن عاقل لالالالا
ايمن _ إيه الصدمة في كده ماهي دي الحقيقه
يونس لف ليه _ طب بزمة أهلك يا شيخ إنت راضي علي إللي إنت قولتو ده
ايمن قلب عينه شمال ويمين _ بصرآحه ولا بربع جنيه علشان أنا أساسا كداب مين قال إن أنا عاقل دانا أهبل عن مما يكون والله
جاسر بضحك _ احلي حاجه عجباني فيك انك واثق في نفسك وإنت بتقولها
ايمن بغرور _ اومال يابني اكدب يعني منا حقيقي كده
يونس وجاسر ضحكو عليه وبعد كده جاسر دور العربيه وطلع بيها
عند ياسمين صحيت بدري و دخلت تتسحب في اوضه صفاء بعلبه للالوان والفرشه

قربت من صفاء إللي نايمه بعمق ابتدأت ترسم علي وشها وكل رسمه بترقص فيها وبتكمل بعد مده قصيره خلصت
بصتلها بضحكه مكتومه وبعدين طلعت صاروخ من جيبها ولعتو وجريت علي بيه علي طول وهي بتضحك بصوت واطي ودخلت اوضتها عملت نفسها نايمه
شويه وسمعت الصاروخ ضړب وصفاء بتصرخ وبتجرى عليهم تحت
صفاء بصړيخ _ اااااه ماما ماما في حاجه فرقعت في أوضتي يا ماما
كلهم طبعا مصډومين من شكل صفاء
فاطمه پصدمه _ إيه يا صفاء إللي في وشك ده
صفاء بأستغراب وهي بتحط أيدها علي وشها _ وشي ماله وشي وبعدين راحت تشوف نفسها في المرايه صړخت لما شافت وشها كله الوان ورسوم _ ااااااااااااااه يا ماااااامااااااا إللي عمل فيا كده
سامي ضحك بصوت واطي علشان عارف إن ياسمين أللى عملت كده _ آنتي مش كبيره علي الحاجات دي يا صفاء يعني علشان تجربي حاجه تلعبي في وشك كده لسه طفله
صفاء بعصبيه _طفله إيه أكيد مش أنا إللي عملت في نفسي كده ليه مجنونه ده أكيد الزفتة إللي جت دي
صابر پغضب _ احترمي نفسك يا صفاء وبعدين ياسمين أصلا لسة نايمة أنا كنت لسة عندها دلوقتي
صفاء _ اومال مين إللي عمل في وشي كده ها
فاطمه _ معلش يا صفاء يا ختي ممكن تكون العيال ولا حاجه

صفاء پغضب _ عيال إيه وقرف إيه محدش يقدر يهوب ناحيه اوضتي أصلا أكيد هي مفيش غيرها والله
ياسمين نزلت من علي السلم وهي عامله نفسها لسه صاحيه وبتمثل النعاس والتوبه _ ااااه ايه با جماعه في إيه إللي حصل
صفاء لفت ليها بعصبيه _ آه اصطعبتي يا ختي اصطعبتي يعني مش عارفه في إيه
ياسمين مثلت الخضه _ سلام قولا من رب الرحيم إيه منظرك ده يا صفاء مين عمل فيكي كده
صفاء پغضب _ انتي بتستهبلي اكيد آنتي إللي عملتي فيا كده مفيش غيرك اللي يعمل كده يا متخلفه
ياسمين بتمثيل الزعل _ إنا إللي يسامحك انا كنت نايمه لو وجودي مدايقك أنا هطلع الم حاجتي وارجع شقه ابويا وامي بعد اذنك