روايه ضهري وحمايتي
المحتويات
انتى مش فاكرنى فيها مكسوفه... لا كدا هايحصلى حاجة
ليليان ههههههه واحدة واحدة ... طيب فين مثلا امى ابويا اختى اخويا كدا انا لما فوقت مشوفتش الا انت وصاحبك وصاحبتى ودادة لما جيت هنا
زين احم . مامتك وبابكى متووفين من صغرك واللى ربتك جدتك .. احم هى كمان اټوفت وعم حسن اخدك عنده وبعد كدا انا شوفتك وحبيتك واتجوزتك .. ومالكيش اخ ولا اخت
زين اعمامك مسافرين ومالكيش خاله لان مامتك وحيدة زيك وعم حسن اتوفى هو كمان بعد ما اتجوزنا بفترة كدة .
ليليان فى الوقت دا عيطت جامد حسيت قد ايه هى وحيدة ياعنى ماليش حد فى الدنيا ... ليه كدا
زين اخدها فى حضنه حبيبتى يا ليليان انا ابوكى واخوكى وامك وكل حاجة فى حياتك .. انا اهلك وانتى اهلى
زين حبيبتى انا لازم انهاردا اروح مشوار ...معلش هاسيبك بس هاجبلك سارة تقعد معاكى
ليليان ماشى
زين انتى زعلانه انى هاسيبك ... لو زعلانه خلاص مش هاروح
ليليان هو ضرورى .. اصل انا معرفش سارة دى معرفش هاقعد معاها ازاى ... حاسه انى متوترة اوى
ليليان ماشى خلاص روح مشوارك ... واتصل عليها خليها تيجى
مراد بنوم الو
زين انت لسه نايم ...قوم يا باشا
زين قوووم عاوزك تتصل بسارة
مراد متكملش ... متجبش سيرتها قدامى ... انا مش هاكلم حد
زين انت نسيت يا مراد اللى قولتهولك امبارح
مراد لا مش ناسى ... بس انت متعرفش الهبله دى عملت فيا امبارح
زين ها عملت ايه ست سارة .. اصل انا فاضى ليكوا
مراد ولا عملت ولا سوت اطلع من دماغى يا زين ... انا مش هاكلمها ممعيش رقمها
مراد وانت جبته منين
زين وظابط مخابرات .. وقال فهد المخابرات .... يا ذكى من فون ليليان
مراد اه ... بردوا مش هاكلمها
زين مراد كلمها وقولها تيجى تقعد مع ليليان ... علشان انا هاسافر الشرقيه علشان كتب كتاب ايمان وعبد الرحمن
مراد اووووف وانا مالى ياعم ... ماتكلمها انت قولها انت كل اللى قولته من شويه
مراد زين .متستع.... قفل السكه ... يادى ليليان اللى طالعلى فى البخت ... معلش يا مراد اعصر على نفسك لمونه وكلمها وعدى الايام اللى جايه دى على خير
.. كله علشان صاحب عمرك
سارة نايمه ومدايقه من اللى عمال يتصل كل شويه
سارة صوتها كله نوم ودا كان كفيل يخلى مراد ميركزش فى حاجة الوو
مراد احم صباح الخير
سارة مش مركزة صباح النور
مراد انا هاعدى عليكى بعد نص ساعه اخدك ونروح لليليان متتأخريش .. سلام
سارة سلام
وقفلت فونها وكملت نوم
بت يا سارة قووومى .. انتى مش رايحه الجامعه
سارة لا هانام
والله انك فاشله .. انا هاروح المدرسه .. وبعد كدا اروح على خالتك والمرادى هاتيجى تسلمى على ماهى
سارة رايحه فى النوم
طبعا جاموسه نايمه ولا عمرهت هاترد عليا
فى شركه الجارحى
سهيله اهى مش ماټت ... رئيس الحسابات بيقول فقدت الذاكرة
نورة ماشى اهى فقدت الذاكرة حاجة كويسه ... نقدر نلعب على الحاجة دى ونخلى ثقتها تتهز فى زين باشا
سهيله قلبى مش مطمنى ... دة زين الجارحى عمرو ما غاب عن الشغل . وكمان مراد دا مش مرتحاله دى دماغه داهيه سم .. ربنا يستر
نورة متقلقيش انا عطلت الكاميرات والبنت طردتها من الشركه استغنينا عن خدماتها والموضوع فى التمام
سهيله ربنا يستر
مراد وصل تحت بيت سارة وكل شويه يتصل بيها قفلت تليفونها قعد يشتمها ويشتم فى زين لانه السبب فى كدا
وخلاص قرر يطلع ويخبط عليها واللى يحصل يحصل
سارة كانت نايمه وجرس الباب مش مبطل رن وهى قامت
ومش مركزة هى لابسه ايه وقامت فتحت
سارة بنوم نعم ... مين
مراد پصدمه ايه دا ..... الله ايه الحلاوة دى
سارة فى اللحظه دى فاقت بصت على مراد واټصدمت انه جاى لغايه بيتها يخربيتك .... انت ايه اهبل مچنون .. انت الحماس واخدك وجاى لغايه بيتى
مراد بضحك ههههه والله انتى اللى هبله ... انتى مش قولتى ماشى اجاى علشان تروحى لليليان
سارة انا... فين دا اكدب بقا
مراد والله انك مجنونه .... انا مش كلمتك من قيمه شويه على فون وحكتلك انك لازم تروحيلها انهاردة وقولت بردوا هاعدى بعد نص ساعه وقولتى ماشى
سارة اناااا
مراد اه انتى ... واخلصى ادخلى استرى نفسك .. احسن حد يشوفنا ومنظرنا مش لطيف
سارة بتبص على نفسها ليه ياخويا ..مال...
سارة افتكرت انها فتحت على طول من غير حجابها قفلت فى وشه الباب وجريت على المرايه وشافت نفسها كانت لابسه بجامه برمودة لونها اسود مناسب لبشرتها وشعرها منكوش حوالين وشها
ياعنى كدا ياهبله تفتحى بالمنظر دا مش تركزى يقول عليكى ايه ... اووووف يالهوى على الكسفه اللى انا فيها .... هانزل ازاى دلوقتى
مراد اهو يا زين مستنيها .. وخلاص فهمت هافهمها بقا ... اقفل خلاص هى نزلت
سارة روح انت انا هاجيب تاكسى واجاى وراك
مراد اركبى يا حلوة خلينا نتكلم .. اخلصى
سارة نعم اهو ركبت عاوز ايه .. انت عرفت عنوان بيتى ازاى مظنش ان قولته كمان وانا نايمه
مراد لا مش انتى .. عرفته من زين زى ماعرفت رقمك منه
سارة هى ليليان كويسه
مراد اه كويسه بس زين وراة مشوار مهم وهايسافر الشرقيه وعاوزك تقعدى معاها
سارة تمام
مراد زين قالى اننا نطلع مع بعض ونتعامل كويس قدامها. وبعدين هاسيبك معاها ... وكمان قالى افهمك على شويه حاجات علشان متقعيش بلسانك قدامها
سارة طيب قبل ما تفهمنى ...اقف عند اى محل حلويات او ورد
مراد نعم ليه انشاء الله ... انتى فاضيه ولايه بقولك الراجل مستنينا
سارة يووووووة .. اعمل حاجة واحدة اقولك عليها على طول ... يا استاذ مش احنا متجوزين لازم ندخل بحاجة .. هى مش عيانه ولا ايه
مراد هههههه والله انك تافهه بس اقولك الفاكهه احسن ٢ كيلو موز على ٣ كيلو تفاح اشيك
سارة بس بس موز وفاكهه ايه ... اقف عند محل الورد دا خلاص هانجيب بوكيه يالا
مراد خليكى انتى .. هانزل انا
سارة لا هانزل انا ... اكيد زوقى احسن
سارة ومراد نزلوا ووقفوا ينقوا الالوان وعكس بعض فى كل حاجة وسارة اعتمدت تنقى اللون الاحمر
مراد يادى النيله السودا
متابعة القراءة
