روايه بير الجن

فيلم السهره ونضحك ونهزر ونسيت أمر فادي وعيد ميلاده خالص. 
وبعد ماخلص الفيلم حوالي الساعه ١ تقريبا دخلنا انا وحسام اخويا ننام في أوضتنا 
وبس عيني راحت في النوم سمعت تليفوني بيرن فتحت عنيا وبصيت في الساعه لقيتها الساعه٢ استغربت! 
وسألت نفسي ياترى مين اللي بيتصل بيا في الوقت دا مسكت التليفون وبصيت فيه لقيته فادي! رديت عليه وانا مستغرب

ايوه يافادي خير يابني فيه حاجه ولا ايه 
لقيته بيرد عليا بحماس وبيقولي
لقيتها ياخالد لقيت الفكره والمكان.. احنا هنسافر اليمن وهنزور بير الج نبرهوت .. البير اللي الناس كلها بتخ اف تقرب منه واللي لو حد قرب منه يسمع اصوات الج ن ويشم ريحة جه نم . 
رديت عليه وانا فاكر إنه بيهزر او بيهلوس هلوسات نوم
حاضر ياحبيبي من عيوني.. بكره الصبح بدري أول ماهنصحى هنغسل وشنا ونلبس هدومنا ونروح اليمن بس انت نام دلوقتي والصباح رباح واليمن قاعده للصبح مطارتش. 
اتضايق من كلامي وقالي
اوووف بأمانه انت ماعندك ډم وانا غلطان اصلا إني اتصلت بيك اقولك الخبر دونا عنهم كلهم وقلت خالد هو اللي دماغه نفس دماغي وهيفهمي وأول واحد هيحب يخوض معايا التجربه المث يره دي.
رديت عليه بنوم وقولتله
تمام ياحبيبي هنخوض والله بس الصبح عشان دلوقتي انا حيلي مهدود وتعبان ونعسان ومش قادر اخوض حاجه.
وقفلت السكه معاه ونمت وانا بدعي في سري إن ربنا يهديه وميتصلش بيا تاني ويسيبني انام عشان ورايا شغل الصبح. 
وتاني يوم صحيت ولبست واستعديت عشان انزل شغلي واتفاجئت وانا في الطريق بفادي بيتصل بيا ويقولي نفس كلام إمبارح! 
جاريته في الكلام وسألته
طيب يافادي ياحبيبي اشمعنا اليمن واشمعنا بير الج ن دا بالذات ما فيه أماكن تانيه كتير مرعب ه وفبلدنا ومثي ره برضوا وأمان
انما نسافر وبلاد تشيلنا وبلاد تحطنا عشان نروح نزور بير في الصحرا ليه 
رد عليا فادي وقالي
ياغبي اغلب الاماكن اللي بتتكلم عليها دي بيكون اللي بنسمعه عنها إشاعات انما البير دا انا بحثت عنه كويس وعرفت واتأكدت إن كل اللي بيتقال عليه حقيقه وانه ظاهره غريبه وبتدور حواليه علامات استفهام كتيره أوي .. بص بقولك ايه انا مش عايز صداع كتير دا عيد ميلادي وانا قررت اعمل فيه كده هاه معايا ولا لا 
رديت عليه بقلة حيله
معاك طبعا ياصاحبي ما انت عارف اني مسيبكش تروح مكان زي دا لوحدك واني بخاف عليك زي ماتكون ابني اللي مربيتهوش. 
ضحك فادى واتكلمنا شويه في الموضوع وقفلنا مع بعض ووصلت شغلي ولقيت سامح بيرن عليا ودخل ماجد معانا مكالمه جماعيه
سامح
ايه ياخالد اكيد المچنون دا قالك ناوي يعمل ايه وعايز يروح فين دا عايز يعمل عيد ميلاده في اليمن! 
ايوه قالي وبصراحه حاسس انه اټجنن سيكا. 
ماجد
لا دا اټجنن رسمي.. المهم هنعمل أيه هنطاوعه فجنانه 
سامح
امال هنعمل ايه يعني ياسي ماجد ماانت عارف اننا لو مطاوعناهوش إقتصادنا ينضرب في مقټل ونشحت داحنا اكلنا وشربنا وكسوتنا وفسحنا كلها على قفا فادي داحنا مرتبنا شهرين ميجيش تمن طقم واحد من اللي بيشتريه للواحد فينا. 
رديت عليه بتأييد وقولتله
فعلا معاك حق الموضوع اقتصادى بحت وبصراحه منقدرش نزعل فادى مننا لأي سبب من الاسباب. 
ماجد
اذا ياولاد وكالعادة مكملين رغم إنعدام الرغبه وبعدين يمن يمن اهي بلد جديده وخلاص 
وهو إحنا لولا فادي كنا نحلم نطلع من المحافظة اللي احنا فيها أصلا. 
ايدناه احنا الاتنين ونهينا المكالمه بعد مااتفقنا اننا هنتصل بفادي ونتقابل في الكافيه عالمغرب ونتكلم للمره الاخيره ونحاول نرجعه عن قراره دا ولو مقدرناش نخليه يغير رأيه نطاوعه في جنانه واهو ناخد السبع فوايد اللي في السفر وخلاص.
إستغربت ان فادي مقالش لسامح وماجد على حوار البير وانه قالهم اننا هنروح اليمن بس! 
وبعدين قلت لنفسي يمكن هيعملهالهم مفاجئه أو لسه هيدرس الموضوع اكتر قبل مايقولهم.. وعلى كل مرضتش اقولهم انا حاجه وسبتله هو المهمه دي 
وابتديت شغلي واللي كان عباره عن إدخال بيانات على الكمبيوتر تبع وزارة الصحه والسكانوبعد ماخلصت شغل قولت ابحث عن البير دا واشوف ايه قصته 
وبحثت بإسم بير الجن وإبتدت تتحمل قدامي صور لبير عاديه ومكتوب إن البير دا اسمه بير برهوت او قعر جهنم وانه مسكون من الجن واللي يقرب منه يسمع