اسكريبت الصحبه الصالحه
المحتويات
الصحبه الطيبه ....
اسكريبت ..
وانتى مفكراه هيحبك بشكلك ده !
يعني ايه
يعني تقلعي الجيبات دى وتلبسي بناطيل وتبطلي الكسوف ده خليكي جريئة كدا
بس ..
بس ايه أنا أقدم منك في الكلية وعارفه كل حاجه وكمان عارفه الولاد بيعجبهم ايه من بكره تيجي لابسه بنطلون وتشيرت قصير وكمان متعمليش الطرحة كدا اعمليها زي طرحتي
تفتكري اني لما اعمل كدا هيحبني
من اول ما دخلت الثانوية
وهو محسش بأي حاجه ولا قولتيله
لأ
انتى مجنونه يابنتي لازم تقوليله
بس هقوله ازاى مينفعش
يابااااااي عليكي بقولك ايه .. يلا نمشي دلوقتي وبكره نبقا نشوف حل في الموضوع ده
خلصت اول يوم كلية بعد ما اتعرفت على منال وحكتلها كل حاجه عني معرفش ليه حتي أدهم اللى محكتش لأى حد عنه قولتلها عليه وتقريبا دا كان من فرحتي لما شوفته معايا في نفس الكلية
هاا عملتي ايه في أول يوم كلية
الحمد لله يا ماما بس كنت عاوزه أقولك حاجه
قولي ياحبيبتي
كنت محتاجه شوية فلوس أنزل اشترى طقمين
حاضر يا غفران لما أبوكي يرجع هقوله وان شاء الله ننزل نشتري سوا
دخلت اتوضيت وصليت وبعدين نمت وصحيت ع المغرب كدا
و لقيت ماما داخله وبتقولي
لا يا ماما الصراحه واحده صاحبتي هتنزل تشتري معايا بكره هي عندها ذوق في اللبس شوية ف هنشترى مع بعض
خلاص ماشي يا حبيبتي الفلوس اهيه ولو اتحتاجتي حاجه تاني قوليلي
اخدت الفلوس منها وانا مبسوطة وقعدت افكر في ادهم وان لو الطريقه دي نجحت هبقا أسعد واحده في الدنيا
نمت وصحيت تاني يوم
انتى هتخرجي كدا يا غفران
أيوا يا ماما فيها ايه كل صحابي لبسهم كدا
بس انا مربتكيش علي كدا
يا ماما بقا انا هتآخر ولازم أنزل دلوقتي سلام
قولتلها كدا
متابعة القراءة
