روايه الحب الأبدي بقلم سهيله ياسر
المحتويات
هو صاحب علي
يعني حد ثقة.. علي مبيصاحبش غير الكويسين مش انتي عارفة كدا
اسماء وأنتي عارفة رأي علي في الموضوع دا بقى ع كدا
نور أكيد مش هيعارض ع الاقل لو علي مش هنا نطمن عليه من ياسر ولا إيه
نور إيه دا الأكل كان هيتحرق..
الأكل أنقذني في حوار حطيت نفسي فيه بغبائي بليل وصل علي ومعاه ياسر.. كان قلبي بيوجعني كل ما خالتو تحط ايديها على دراعه اللي متصاب فيه وهو يغمض عينه پألم من غير ما يتكلم علشان متاخدش بالها..
ياسر بابتسامه تسلم إيديك.
لاحظت نظرة علي بس تجاهلتها .. كنت بحاول مهتمش بيه نهائي زي اني بردو مسلمتش عليه بلهفة زي كل مرة.
كان بيبصلي بإستغراب حتى خالتو كانت مستغرباني!
بعد شويه ياسر مشي ونور دخلت الاوضه
علي نور فين ياماما
اسماء في أوضتها ياحبيبي في حاجة أناديهالك!
بعدت من ورا الباب في الوقت اللي لقيته بيخبط فيه.. قعدت ع المكتب وعملت نفسي بذاكر وأنا بقول _ ادخل..
دخل وساب الباب مفتوح وقعد على الكنبة قصادي إيه ياكتكوتة عاملة ايه في المذاكرة
علي ضحك الحقيقة عندك حق المرة دي..
انشكحت وسيبت الكتاب من ايدي وقعدت جنبه أول مرة يعترف إني كبرت!
مكنتش مصدقة وبضحكله بكل حب على عكس الطريقة اللي كنت بعامله بيها الأسبوعين اللي فاتوا!!
علي بجد بس هتفضلي طول عمرك بردو كتكوتي!
اتكسفت ومعرفتش أتكلم في الوقت اللي صدمني لما كمل كلامه!!
علي حتى لو جالك 100 عريس..
نور إيه ! عريس إيه !
علي ياسر طلب إيديكي مني.. أنتي إيه رأيك
نور پصدمه ياسر!!
علي أيوة أنا شايف أن في بينكم كاريزما حلوة.
نور بحزن يعني أنت موافق!!
علي الرأي ليكي بس أنا بجد مش هلاقي أحسن من ياسر وآمن عليكي معاه..
غمضت عيني پألم بحبس الدموع جوايا قومت من جنبه وقعدت على المكتب تاني..
نور أنا إمتحاناتي قربت ومش فاضية للكلام دا..
علي إحنا هنقرأ فاتحة بس.. ونعمل الخطوبة بعد تخلصي..
نو بصيتله يعني أنت شايف كدا
علي لو مكسوفة خدي راحتك في الرد هو مش مستعجل على فكرة.
ببلع ريقي وأنا بنطق بالعافية لأ .. أنا موافقة.
قام وقف وقرب عليا وباس رأسي خلاص ياحبيبتي أنا هحدد معاه معاد علشان يتقدم رسمي ألف مبروك ياحبيبتي..
أنا إزاي كنت غبية كدا! مغفلة! كنت بحبه أكتر في الوقت اللي كان بيعاملني فيه كأني أخته
من أمه وأبوه.. كنتيتبع
..............................................................
بقلم Ŝòĥàìĺà ýàŝŝèŕ
الفصل الرابع من هنا
الحب الأبدي
البارت الرابع قبل الأخير
..............................................................
كنت بقع في حبه أكتر في معاملة هو مش شايف أصلا أنها بتدوب قلبي!
مش شايف حبي ولهفتي لي!
مش شايف إني بعشقه مش شايف!
شايف بس أن في كيميا بنا أنا وصاحبه...
صاحبه!! أنتي بتغلطي يا نور انتي عارفة عواقب أنك توافقي ع صحبه ايه!! هتعيشي معاه وأنتي بتحبي صاحبه!!
أنا في ورطة ورطة كبيرة..
اسماء انتي متأكدة من الكلام دا
نور أه يا خالتو أنا كنت بحب علي علشان مش شايفة غيره قدامي لكن دلوقتي عرفت إني مش بحبه الحب اللي يخليني أتجوزه أنا معجبة ب ياسر وان شاء الله لما نقرب من بعض نحب بعض اكتر..
كنت بكذب على خالتو وبقنعها بعكس اللي في قلبي لأن هي الوحيدة اللي عارفة إني مبحبتش ولا هحب غير علي!!
لكن هيفيد بإيه بعد كدا!! فقدت الأمل تماما أنه يشوفني حاجة تانية غير أخته.. فقدت الأمل تماما
متابعة القراءة
