روايه للخذلان وجه اخر
المحتويات
سبقتني ليه كفاية انك عملتي الغدا انهاردة ع ما خلصت شغل
حنان ... انا بلعب مع حفيدي ملكيش دعوة انتي وروحي ارتاحي شوية ناميلك ساعتين كدة وان شاء الله تصحي احسن
ميرنا .. ربنا يخليكي ليا حبيبتي خالد اتصل وبيقول جاي بكرة
حنان ... طيب كويس ياريت تتكلمي معاه بهدوء و يشاركك في مشكلة الحضانة دي دا حياتكم انتم الاتنين سوا يا بنتي
حنان .. ماشي لاني هتغدي واروح بقا
ميرنا ... تروحي ليه
حنان ... عشان جوزك ال جاي بيتة بكرة دا انا ابقي براحتي وهو يبقي براحتة و تعرفو كمان تتكلمو براحتكم
ميرنا بضيق ... يا ماما لو سمحتي
حنان قاطعتها ... ميرنا انا قلت هروح يعني هروح بلاش ۏجع قلب بقا ويلا نتغدي
_ وفعلا ماما بعد الغدا مشيت و انا خلصت تمارين مع سليم و عملت شوية حاجات في البيت و اخيرا نمت صحيت تاني يوم ع صوت ضحك سليم و صوت خالد بيلاعبة ... فرحت اوي ابتسمت تلقائي اتسحبت وبصيت عليهم .. كان شكلهم جميل اوي عينا دمعت انا بعترف ان جوزي وحشني حسة في البيت وحشني كلامنا و هزارنا لعبه مع سليم كل حاجة فيه وحشتني
ميرنا ... وحشتني اوي ليه بعدت عني كدة لية هه
خالد ... ممكن تهدي شوية عشان خاطري
ميرنا ... انا هادية اتكلم يلا
خالد ... لا دلوقتي انتم وحشتوني اووووي نقعد سوا و هننزل كمان شوية نروح ل ماما وبابا وحشوني اوي
عزمنا ع الغدا ولما نرجع نتكلم للصبح اتفقنا
ميرنا ببتسامة .. مع انك مخطط و مقرر و مقلتليش بس ماشي يا خالد عشان خاطرك اوكي
خالد ... حبيبي
_ وعدو ساعتين من احلي لحظات حياتي نسيت كل حاجة مضايقاني نسيت ۏجعي و ضيقي كنت مبسوطة و سليم كمان حبيبي كان مبسوط اوي مبطلش ضحك و لعب و جة معاد مروحنا عند حماتي و كنت خاېفة تنكد عليا بس قويت نفسي وقلت اني مبسووووطة ومش هسمح ل حاجة تضايقني
رقيه ... اوعي يا محي هاتة وحشني اوي .. وحشتني يا سولي سولي حبيبي وحشتني
خالد ... طب وابو سولي وامة ايه يلفو ويرجعو تاني ولا ايه
رقيه بضيق ... هو لسه كدة دا متكلمش اومال كل دا كنتي بتعملي معاه ايه
محي ... رقيه وبعدين قلنا ايه
_ لاحظت توتر محي و خالد اللي كانت نظراتة ل ماماتة كلها لوم و عتاب
ميرنا بهدوء .. وياتري من حقي اعرف اتفقتم علي ايه ولا مش من حقي
رقيه بانفعال ... انت عمال تبصلي كدة ليه ما هي كدة كدة هتعرف انت نازل ليه
ميرنا ... وياتري ليه يا طنط احب اعرف
رقيه ... عشان تحملي يا حبيبتي في عيل تاني يبقي سند لابوة و إخوة ويعوضكم عن سليم
الفصل التاسع
الحكايه الثانيه
لوحدي أقوي
ميرنا بهدوء .. وياتري من حقي اعرف اتفقتم علي ايه ولا مش من حقي
رقيه بانفعال ... انت عمال تبصلي كدة ليه ما هي كدة كدة هتعرف انت نازل ليه
ميرنا ... وياتري ليه يا طنط احب اعرف
رقيه ... عشان تحملي يا حبيبتي في عيل تاني يبقي سند لابوة و إخوة ويعوضكم عن سليم
_ رغم صدمتي في تفكيرهم إلا أن صدمتي الأكبر ان جوزي متفق معاهم معرفش ازاي استوعبت اللي اتقال بسرعه و رديت بكل هدوء انا نفسي استغربتة
ميرنا ... حقيقي يا خالد دا سبب نزولك
خالد ... ميرنا لما نروح نتكلم
ميرنا .. ليه في ايه هنقولو لوحدنا اهلك ميعرفهوش دا ماشاء الله انتم متكلمين و مقررين كمان ايه المشكلة بقا لما نتكلم قدامهم
خالد ... حبيبتي انا هفهمك كل حاجة لما نروح
ميرنا بعند ... لاء هنتكلم دلوقتي و قدامهم
رقية ... اتكلم يابني خلينا نخلص
ميرنا .. بالظبط زي ما طنط قالت خلينا نخلص ها جاي لية يا خالد
خالد بتوتر .. ا اصل يعني كنت بفكر أن الوقت بقا مناسب أن أن
محي بضيق .. ماتنطق يا ابني
خالد ... أن نجيب اخ او اخت ل سليم
ميرنا ... ممممم بس انا بقولكم أن الوقت مش مناسب ولسة بدري اوي ع خطوة زي دي دا لو خدتها اصلا
خالد ... يعني اية لو خدتيها اصلا مش فاهم
ميرنا ... يعني انا مش بفكر غير في مصلحة ابني وبس حاليا كل مجهودي واهتمامي بيه هو اتحسن و بقا تمام والدكتور قالي أننا بقينا في مرحله احسن تتطلب مجهود أقل هفكر في حوار الخلفة دا فضل هو محتاج كل طاقتي و مجهودي مش هفكر نهائي
متابعة القراءة
