اسكريبت مرايتي عينك
المحتويات
_أنا مراتك..مراتك
الدنيا دوامة لازم تدوخ فيها وتتعب علشان تحقق اللي نفسك فيه ومن جانب تاني ممكن الدوامة تيجي على حظك وتقف.
_لا أنت مش مراتي.. أنت مين..!!
_حمزة
_أنت ميييييين
خۏفت..ومن امتى أصلا وأنا مش خاېفة طول حياتي عايشة في دوامة الخۏف قربت منه بالراحة وبهدوء فزقني جامد وقام من الأوضة طلع الصالة طلعت وراه وهو واقف يبص في كل ركن كأنه بيتعرف على المكان..أو بيدور على حد
_منى مين..
قرب مني وعيونه كلها شرر ومسك دراعي جامد وزعقلي
_متعمليش عبيطة..منى فين وأنت مين..!!
_أنت ليه مش مصدق إني مراتك..!!
_لأني مش متجوز وكنت خاطب منى فجأة أصحى ألقيك جنبي دا عبط ولا مش عبط
هي جات عليا كتير أوي الدنيا دي بس كان أملي إنها متجيش عليا تاني وأنا معاه بس أنا كنت عايشة في وهم..وهم كبير أقنعوني أنه لما ترجعله الذاكرة هيحبني..وأنا..أنا محتاجة..محتاجة حبه
_مراتك..وصور كتب الكتاب أهي
_كذب
مسكني من دراعي جامد وسحبني لحد باب الشقة وفتح الباب وخرجني
_مش عايز أشوف وشك هنا
كان لسه هيقفل الباب بس زقيته على قد ما أقدر ودخلت
_أنا مش همشي من هنا..وأصلا أروح فين معنديش مكان..معنديش حد..معرفش حد غيرك
فقد الأمل تقريبا دخل قعد على الكنبة اللي في الوش وحط رأسه بين ايديه ومش عارف يعمل ايه بس صوت أنفاسه عالية قربت منه وحطيت ايدي على كتفه
اندهشت لما لقيته مد ايده مسك ايدي وقعدني جنبه على الكنبة والتفتلي
_أنت باين عليك كويسة لو بتعملي كدا علشان الفلوس هديكي اللي أنت عايزاه
حطيت ايدي على قلبي بسرعة يمكن من الإهانة الغير مقصودة أو من وجعه اللي ملهوش دوا قومت وقفت وبعدت عنه مسافة
_شكرا أصلي مبأخدش فلوس تمن حبي
الصبح طلع وأنا محاولتش أقرب منه ولا أتكلم معاه شويه سمعت جرس الباب قومت فتحت لقيت مامته مخضۏضة
_فين حمزة ماله..!!
كان قاعد
متابعة القراءة
