روايه صغيره الأسد

أنت بتحبها يا أسد صح
أسد
يتبع
زين بطل كدب عليا وعلى نفسك أنت بتحبها يا أسد صح
أسد اه بحبها
زين احكى اللى فى قلبك يصحبى
أسد بدأ يحكى لزين على كل حاجه حصلت معاه ومع حور وازاى اتقابلوا
أسد بس هو ده اللي حصل ومن ساعتها وأنا مش ببطل تفكير فيها ومش بس حبيتها أنا ادمنتها بس خاېف اوى يا زين تطلع خاينه زاى الباقى

زين بهدوء ممكن اسالك سوال يا أسد
أسد اتفضل
زين مش أنت عارف إن أنا بحب اختك اوى
أسد اه
زين طيب هى اختك خاينه ولا بتكلم شباب ولا زاى بقيت البنات اللى تعرفهم
أسد بعصبية أنت اتهبلت أنت ازاى تتكلم عن اختى كده
زين اهدى يا أسد أنت عارف إن أنا بحب اختك ومسمحش إن أنا ولا غيرى يتكلم عنها بطريقه وحشه بس أنا كنت عايز اوصلك إن كل البنات مش زاى بعض
خلاصت الكلام يصحبى حب وكمل حبك واثق فيها وادى فرصه لقلبك إن هو يحب وبلاش تتعامل معاها وحش وعيش حياتك واضحك وهزر واتجوز وتخلف عيال وتبقى بابا وأنا ابقى عمو واختك تبقى عمتو واخوك يبقا عمو وافرح يصحبى البنات كلها مش زاى بعض وخاليك حنين عليها علشان تحبك
واقولك على حاجه أنا هجبلك الملف بتاعها خلال ٨ ساعات وتتاكد من اخلاقها وأسأل عليها وروح اتقدملها
أسد شكرا يصحبى على وقفتك جمبى
زين على اى يصحبى إحنا خوات صحيح هى إسمها اى
أسد بغيره وأنت عايز تعرف ليه
زين بضحك اى ده أنت بتغير يسطا أنا بس عايز اعرف إسم مرات اخويا اى
أسد بضحك خلاص يسطااااااااا افصل
إسمها حور
زين سبحان الله إسمها حور وهى حوريه
أسد بغيره اطلع بره يلاه
زين بهزار بتغيرى يا بطه
أسد قولتلك اطلع بره
زين حاضر يعم طالع براحه على نفسك
زين طلع وبعديها أسد بدأ يشتغل
بعد شويه أسد خلص شغل وطلع علشان يروح لقى حور بتلم حاجتها علشان تروح هى كمان
أسد حور انتى مروحه
حور اه يا أسد باشا أنا خلصت شغل وكنت جايه استأذن من حضرتك
أسد تمام ماشى تعالى اوصلك
حور لأ لأ أنا هروح لوحدى قصدى علشان متعبكش معايا
اسد يلا بس تعالي اوصلك
حور عايزه ترفض علشان خاېفه الا طارق يشوفها ويضربها تانى
حور اصل أنا مش مروحه دلوقتي أنا هقابل واحده صحبتى قريب من هنا هي مستنيانى فى مطعم قريب
أسد طب تعالى اوصلك للمطعم ده فى طريقى
حور وافقت وهو وصلها للمطعم
أسد پصدمه خديجه انتى بتعملى اى هنا
خديجه أنا جايه اقابل حور صحبتى أنت اللى بتعمل اى هنا
أسد حور السكرتيره بتاعتى وأنا كنت بوصلها فى طريقى علشان الوقت اتاخر
حور انتوا تعرفوا بعض
خديجه اه يبنتى ده أسد اخويا اللى كنت بكلمك عنه
حور پصدمه بجد
خديجه اه والله
حور امممممممم ماشى
أسد طيب ماشي أنتوا عايزين حاجه
خديجه وحور شكرا
أسد مشى وحور وخديجة دخلوا المطعم
خديجه أنتى بتشتغلى فى الشركه بتاعتنا
حور اه مكنتش اعرف إن هو اخوكى
خديجه بهزار امممم لو كنتى تعرفى إن هو اخويا مكنتيش هتغلطى في ده أنتى كنتى بتقوليلى المدير بتاعى مغرور ومتخلف وغبى وعصبى ورخم وكنت مش بتبطلى شتيمه فيه
حور بضحك خلاص بقا مكنتش اعرف إن هو اخوكى
خديجه خلاص فكك فكك قوليلى صحيح أنا لما رنيت عليكى امبارح كنتى مش بتردى ليه
حور بدموع طارق
خديجه عمل اى الزفت ده
حور بدموع اخوكى وصالنى امبارح علشان الوقت كان متأخر وطارق شافنى وأنا نازله من عربيته فضل يضرب فيا ويشتم وحور بقا حكتلها على اللى حصل
خديجه بزعل مټخافيش يا حور إن شاء الله إبن الحلال يجى ياخدك ويريحك منه
حور إن شاء الله
حور وخديجة كل واحدة منهم روحت
حور وصلت
طارق أهلا بالسنيوره اتاخرتى ليه يا بت
حور پخوف كان عند شغل كتير والله
طارق اه اعملى حسابك يا حلوه فى واحد هيجى يتقدملك بكره
حور مين ده
طارق حمدى جارنا
حور بعياط حمدى اللى عنده ٦٥ سنه ومتجوز وعياله متجوزه
طارق اه عندك مشكله
حور أنا مش موافقه ده قد ابويا
طارق قام وضربها بالقلم أنا مش باخد رأيك أنا بعرفك إن كتب كتابك عليه بكره إن شاء الله ده دافع فيكى نص مليون جنيه
حور بعياط حرام عليك أنت اى مش بتحس حسبى الله ونعم الوكيل
ودخلت اوضتها فاطمه دخلت عليها
فاطمه بعياط
أنا آسفه يا بنتى أنا معنديش حل للمشكله دى