روايه فاتن والشيخ عمار

وفي الاخر انتي عتستفيدي معاي وعينوبك من الحب جانب يوبقى تسكتي وتهمليني عاد يمه.
سكت يامهجه لما اشوف اخرتها ايه معاكي. 
بوووه عليكي يامهجه وعاللي جابتك.. انتي كمان هتتدايري على البت 
قولتلك اسكتي يمه وهمليني اشوف المصلحه وين يمكن يكون ربنا جابني إهنه عشان يفتحلي باب رزق دايم ميتقطعش ويعوضني خير عن عمري اللي فات كلو...

فاتن
اني مفاهماش حاجه.. انتي عتقولي ايه ياخالتي. 
مش مهم اني بكره هفهمك وحده وحده وهخليكي تمشي على الارض الكل يركعلك كيف ماتكوني ملكه معديه والشعب ينحنيلها.. انتي ربنا عطاكي مقاليد الحكم فوشك اللي وقوامك يافاتن.
ياخاله انتي عتقولي ايه بس 
عقول تعالي دليني على الموطبخ بتاعكم فين نعملولنا لقمه حلوه نتغدو بيها وكمان نعملوا لقمه لأبوكي الشقيان ديه يتقوت بيها.
في المطبخ.. 
وه وه وه.. كل ديه وكل وخزين يافاتن فبيتكم وكل ديه موطبخ واغراض طبخ أمال ابوكي عيجيب منين فلوس ديه محيلتهوش غير ٥ فدادين وشغله باليوميه يكونش هيطلع في الليل يسرق عشان يجيب ويكوم فبيته إكده! 
له يابوي يسرق كيف ابوي عيجيبلنا اللي يقدره عليه ربنا والباقي جدي محمود ابو إمي عيشيعهولنا وجدتي بهانه أم أمي برضك عتشيعلنا بط ووز وحمام ولحمه كل ماتربي حاجه.. وغير إكده ابوي مشارك على طاحونه بتجيبلنا كل شهر فلوس زينه بس داي بفلوس أمي يعني.
ردت عليها مهجه بضحكة فرحه
ومالو مافلوس امك وفلوس ابوكي واحد.. اهم شي الطاحونه بإسم امك ولا بإسمه 
له بإسم ابوي. 
طيب زين زين قوي قوي.. اهو دلوك الواحد نفسه اتفتحت عالوكل والشرب وحاسس انه عايز ياكل خروف بحاله.
حدا فتحي فدوار العمده
العمده
ايه ياقزين اللي عميلته ديه وكيف تحط فبيتك الغازيه وامها واختها وانت خابر زين إيه اللي هيتقال عليك بعد عملتك داي وسمعتك هتكون عامله كيف في البلد إنت عتلعب بإسمك وسيرتك وسط الناس ليه يافتحي متعودناش منيك الطيش وقلة العقل يارزين ياعاقل!
مش طيش ولا قلة عقل ياعمده وانت خابر زين وكل اهل البلد خابرين فتحي على ايه وتفكيره عامل كيف واللي ضميره سو وتفكيره شين ديه ميلزمنيش ولا حديته يهمني اني عستر ولايا وععفهم وععمل إكده لوجه الله وبدال مانطيرو وراهم من البلد ونخلوهم يهيموا على وشوشهم بلاد تشيلهم وبلاد تحطهم والكلاب السعرانه تنهش فلحمهم نهملوهم فبلدنا ونخلوا عيونا عليهم ماتعرفش ياعمده يمكن دول اللي يكونوا سبيلنا للجنه اللي الناس 
متوقفش فطريق الخير ياعمده.. ودلوك هتستقبلني فمندرتك ضيف لحد ماالاقي دار لمهجه وامها واختها ولا امشي واشوفلي حد تاني غيرك يستقبلني فمندرته 
المندره مفتوحه للكل وانت خابر ان مندرة العمدة متتقفلش فوش حد ولا زوارها يطلعوا منها غضبانين يافتحي وعيب عليك الكلام ديه.
من يومك صاحب واجب وبيتك بيت كرم ياعمده بس مخابرش ليه النوبادي كرمك مشاملش مهجه وامها واختها مع انهم احق. 
أني مععملش المعروف فغير اهله يافتحي.. ودول غوازاي.. غوازي يبو فاتن والمعروف فيهم ضايع.. وابقا اتفكر حديتي ديه زين بعدين وقول العمده قالهالي فيوم واني معملتش لحديته إعتبار.. ودلوك اهملك اني واروح اشوف اللي ورايا.. عشاك هشيعهولك مع الغفير اتعشا ونام ومن بكره الصبح تطلع تدور على دار للغوازي متخليش الحكاية تمط وقعدتهم فقعر بيتك تطول.. دول آفه كيف آفة القطن لازمن نتخلصوا منها قوام قبل ماتخرب الكل كليله.
قعد فتحي بعد مامشى العمدة يفكر ويقول لروحه 
ياتري ليه الناس كلها عتقول على مهجه وأمها إكده وهو مشافش منهم غير كل غلب ومسكنه فى الستر ليه كل الناس
مستكترين عليهم ياكلوا لقمتهم بالحلال وعايزين يرموهم من البلد ويخلوهم يعاودوا للمشي البطال من تاني.. ليه الناس مش شايفه إن اللي عيعمله معاهم ديه عين العقل وإن غير إكده هو الغلط بعينه! عموما اني هنعس دلوك وبكره يحلها الحلال.
أما في بيت فتحي.. 
مهجه
تعالي يافاتن انعسي معاي فأوضتي النهارده وهملي اوضتك لامي ولواحظ يبيتو فيها اصل البت لواحظ نومها عفش واني عكره تنام جاري. 
حاضر ياخاله 
يحضرلك الخير ياجمر بس بلاها كلمة خاله داي قوليلي مهجه حاف إكده اني مش كبيره لكلمة خاله وانتي مش زغيره انتي ماشالله عليكي صبيه تملي العين.
مسكت يدها ودخلو الأوضه
هاه ياخاله هتنامي من جوه ولا على طرف السرير. 
له هنام من جوه عشان محبش حد يصحيني لما انعس نامي انتي