روايه براثن اليزيد

وإزاي تخرجي من غير ما تقوليلي
وجدها تبتسم بسخرية شديدة ثم وضعت يدها الاثنين حول صدرها تحتضن نفسها وقد بدأت تشعر بالبرد يصل إلى خلاياها فتحدث هو قائلا بجدية خائڤا من أن يصيبها شيء
طب قومي غيري هدومك الأول وبعدين نتكلم
استدار ذاهبا إلى الخزانة وتفكيره يدعوه لإخراج ملابس لها حتى تبدلها بتلك المبتلة ولكن فور تقدمه استمع إلى سؤال واضح وصريح بالنسبة إليها يخرج بنبرة حزن طاغية وقد شق سكون الصمت الذي أتى منها
ليه عملت كده
استدار مرة أخرى ينظر إليها باستغراب ثبت نظره على عينيها الحزينة للغاية وقد وقع قلبه بين قدميه خوفا من القادم ابتلع ما وقف بحلقه وتحدث قائلا

عملت ايه
أكملت متجاهله كلماته وهي تقول بضعف وكلماتها جلبت خلفها الدموع التي كانت توقفت منذ قليل
أنا حبيتك!..
تقدم منها ببطء وهو لا يدري ما الذي يحدث حقا لا يدري!.. هل استمعت حدث شيء عند عمها ماذا يجري تحدث قائلا بهدوء شديد وضعف انتقل إليه
وأنا كمان بحبك
السخرية هي التي سيطرت على جميع ملامحها بعد الاستماع إلى كلماته الكاذبة واستكملت مجيبة إياه بصوت خافض مهلك
كداب ولو بردو أنا 
وقف هو الآخر أمامها متحدثا بجدية
واستغراب يتساءل ليستطيع الإجابة على حديثها
أنت بتتكلمي عن ايه بالظبط
صړخت بوجهه بصوت عال وقد فاض كيلها منه ومن أفعاله وتصرفاته إلى الآن وهو ېكذب!
ما كفاية استعباط بقى ياخي.. ايه لسه مكمل في المسرحية الرخيصة دي
ثم بضعف وبكاء أكملت
عارف أنت لو كنت جيت طلبت مني كل حاجه أملكها كنت هديهالك من غير تفكير.. من غير ما أسألك ليه حتى والله العظيم دا أنا سلمتك نفسي وعشت معاك لوحدي بين أهلك اللي بيكرهوني مستنجده بيك نمت جنبك وأنا مأمنه ليك.. تقوم تعمل فيا كده كل ده علشان شوية فلوس ملهاش قيمة بين الحب اللي فكرته حقيقي
لا يستطيع التحدث ماذا يقول ماذا يفعل يبدو أن هناك شيء خاطئ ولكن هو السبب به هو فهم الذي تتحدث عنه..
أردفت مرة أخرى والدموع تتهاوى من عينيها لتمر على وجنتيها الحمراء بشدة لا تدري من أي سبب
بتقولهم حاضر بس كده هعمل كل اللي انتوا عايزينه.. ما انتوا أهلي وأولى ليا من أي حد... طب وأنا وأنا ايه مش قولتلي أنك بتحبني.. مش قولت عايز تخلف مني وتكمل معايا ولا ده كمان كان علشان الفلوس وتضمن أنك هتاخد كل حاجه من عيلتي
تحدث قائلا بضعف هو الآخر وقد قټله حديثها ينظر إلى عينيها الحزينة وهو لا يدري ما الذي يقوله لها في هذه الحالة
مروة أنا مكنتش هعمل كده صدقيني.. طلما سمعتي دي يبقى سمعتي الباقي.. كملي
ابتسمت بسخرية متحدثة وهي تشير إليه
عايزاني استنى أسمع ايه بعد كده. اسمعك وأنت بتقول ايه أكتر من كده ولا كنت استنى لما اسمعك وأنت بتقول خلاص أنا أروح اطردها أحسن! أسمع ايه يا يزيد أكتر من كده
اجاب پقهر هو الآخر وقد فهم أنها لم تستمع إلا لكلمات السخرية التي تحدث بها مع عائلته ولم تستمع إليه وهو يدافع عنها قائلا بأنها حبيبته وزوجته ويالا سخرية القدر
كنتي اسمعي.. كنتي اسمعي وأنا بقول قد ايه بحبك وقد ايه أنا سعيد معاكي.. وأنا بقول أن عمري ما هعمل فيكي كده
احتضنت جسدها وقد بدأت حقا بالشعور بالبرد وإلى الآن ملابسها مبتلة مياة بكت بدون مجهود وأصبح صوت بكائها عالي أكثر من السابق
بتكدب ليه خلاص كل حاجه بانت قول أنك مش عايزني قول أنك مش بتحبني خلاص هي كده خلصت
قبض على يدها بشدة يتحدث بجدية شديدة وإصرار على التكملة
لأ مخلصتش أنا مش بكدب أنا بحبك.. بحبك وهفضل أحبك لآخر نفس.. مش عايز أي حاجه منك غيرك يا مروة.. والله العظيم من أول
لحظة حسيت بحبك وأنا صرفت نظر عن الموضوع ده خالص وعرفتهم أكتر من مرة وآخر مرة كانت النهاردة ياريتك سمعتي للآخر وكنتي فهمتي يا مروة قد أنا بحبك ومحتاجك
ألقت نفسها بين أحضانه دون سابق إنذار بكائها يزداد وصوت شهقاتها يعلو في أذنه
مش قادرة اصدقك يا يزيد.. مش قادرة أنا كنت عملالك مفاجأة الاوضه كانت متزينه علشانك.. كنت هقولك إني..
صمتت لبرهة وهي تبتلع ما وقف بجوفها فكرت للحظة ثم عادت عن ما برأسها لتقول وهي تنتحب وتشدد على احتضانه
كنت هقولك إني بحبك.. ليه يا يزيد أنا عليتي معملتش أي حاجه فيكم عمي قالي كل حاجه حرام عليك ليه تعمل فيا كده
شدد هو الآخر على احتضانها وقربها