روايه أمواج بحرك
المحتويات
جاري لحد ما سمعت صوت احمد بيتكلم ع السلم
خرجت جري بعد ما مسحت دموعي
و عيني اللي وجعتني من العياط فتحت الباب و لقيته واقف بيتكلم مع جارنا الجديد
احمد
بصلي و استغرب من عيوني و شكلي المتغير بنظرة غريبة مقدرتش احدد معناها
و لقيت احمد بيشاورلي تعالي يا موج
دي يا سيدي موج بنت خالتي و اختي الصغيرة
اهلا و سهلا يا انسه موج انا جاركم الجديد بحر
احمد لاحظ اني مش قادرة اتكلم و اخدني و استأذن تحت نظرات بحر الغير مفهومة
حكيت لاحمد اللي حصل
انا اسف يا موج اني اتأخرت النهاردة حقك عليا و انا بدور علي شقة عشان نعيش فيها انا وهو في اسرع وقت ممكن هبعده عنك خالص متقلقيش
انا عارفة انه غالي عليك و مفيش في ايدك حاجه تعملها ضده مهما كان والدك بس انا تعبت يا احمد مفيش في ايدي حل غير اني اشتكيلك انت لانه بېخاف من وجودك
طبطبت علي ايده مسحت دموعي و ابتسمتله شكرا يا احمد شكرا علي وجودك معايا
مر شهرين و علاقة احمد و بحر بقت قريبة جدا و بقوا صحاب و
احمد اوقات بيسهر معاه بليل بحر بيبصلي كتير بنظرة عمري ما حسيتها في عين حد حواليا نظرة كلها حنية و دفا عرفت من احمد انه ماماته مټوفية و باباه متجوز و مش عنده اخوات و لا اصحاب وقاعد لوحده عنده اوضة دايما قفلها مش بيسمح لحد يدخلها حتي احمد و احمد بيقولي انه حاسس انها وراها سر كبير
ايوة يا احمد اعملك شاي
لا اقعدي عايزك في موضوع مهم
خير يا احمد في ايه
ايه رأيك في بحر
من ناحية ايه
من كل النواحي
هو كويس و محترم لحد تعاملي معاه
طب لو قولتلك انه طالب ايدك للجواز
انا
اها و قالي انه عايز الجواز يحصل و بسرعة
بس انا معرفوش يا احمد و
هو ميعرفش عني حاجه !
سيبني افكر يا احمد
براحتك خالص يا حبيبتي انتي عارفة اني مش بجبرك علي حاجه
ابتسمت و قمت دخلت اوضتي جزء من قلبي كان طاير في السما لان بحر شخص مميز في تعامله و ظله خفيف علي الروح تحب تشوفه و العين تحب نظراته يمكن الشخص الوحيد اللي طمني بوجوده بعد احمد مع ان كل اللي بيطمني منه نظراته بس .
كنا قاعدين بناكل انا و خالتو و جوزها كان قاعد اجازة النهاردة و احمد مكنش يعرف لما قولتله انه موجود و مرحش شغله اتعصب من وجوده و قالي انه مش
متابعة القراءة
