روايه صرخه عالطريق

بطريقة خلتني فخور بيه تمسك ابني بيك دلوقت خلاني اتأكدت انك عوضته غياب أهله وكنت له سند حقيقي ربنا يجازيك خير علي كل حاجة طيبة قدمتها لأبني وزي ما قال مفيش حاجة بينكم اتغيرت انت جده وكبيره وكبيرنا احنا كمان وحياة جسار مستحيل تستقر من غيرك 
ابتسم جسار بفخر وسعادة لأبيه وعيناه تشكر له صنيعه ثم نظر للجد الحبيب قائلا شوفت بقى يعني مفيش داعي للحزن اللي شوفته في عيونك ده مش هسمح تزعل ولا عيونك تنزل دمعة تاني ياجدي 
ثم كفكف جسار دمعاته ليغادر وهو يتوسط والده وعمه وجده الحبيب متوجهين لمنزل أبيه الذي استدعي بهاتفه الجميع دون توضيح أسباب ليكون لقائهم الأول مع ابنه العائد بين أرجاء بيته كما يجب أن يكون 
القلوب لا تنتظر صك هوية لتعبر المسافات لمن تحب 
سلطانها نافذ أينما حلت لها عيون ترى وذراع يحتوي 
لا تخطئ طريقها مهما تراكمت أسباب الضلال 
قلبها وحده عرفه قبل أن تظهر ماهية هويته 
شقيقها هو يشاركها الروح والعصب 
كل شيء بدنياها ستتغير معالمه 
صار لها شقيق يحتويها كما تمنت 
جسار هو أخيها 
يالا حلاوة اللقاء بينهما 
كأنها
تخاف أن تفترق عنه ثانيا 
فلا طاقة لها على الغياب من جديد 
جسار أخويا 
همستها وهي تقبل كتفه وهو يشتد احتواء حاني لها 
شقيقته كما كان يشعر نحوها دائما 
سارة 
صغيرته مدللته ما بقي له من عمر 
عيون أخوكي كنت حاسس طول الوقت انك قريبة من روحي وحتة مني وصدق إحساسي بيكي يا سارة 
أحنا عرفنا بعض من البداية كنا حاسين بحاجة بتربطنا دلوقت بس قدرت اعمل اللي اتمنيته كتير وانا ببصلك بشعور أخوي كان طاغي عليا 
ومن جديد سحبها في عناق شديد لتطلق هي عنان بكائها وهي تعانق أخيها هي مثله أدركته منذ زمن أقطابهما تجاذبت بشكل لم تفهمه حينها جسار أخيها من ذات الصلب تجري بعروقهما دماء واحدة
يبكيان ويشاركهما ابيهما البكاء وذراعيه تحتويهما الان اكتملت عاىلته وما عاد شعور النقص يغزوه عاد صغيره وما عادت يد البعد تفرقهما بعد ذلك
عجيب قدره! 
بعد أن كان يعاني الحرمان ويشتهي عناق
من أبيه ووالدته لأن تتلقفه أيادي وصدور أفراد عائلته بلهفة وحب الجميع في ذهول تام لمعرفة حقيقته وبركان عاطفة جياشة تفجر بينهم أولاد العم حمزة وريان وخالته جمانة شقيقة أمه ريحانته أما سارة فمازالت تنظر له مآخوذة كأنها تحلم بكل ما يحدث 
روح بقي لمراتك عرفها متأكد ان اما تعرف هترجع لوعيها وتسترد صحتها تاني أما اللي راح ماتزعلوش عليه لأنه خير لولا الجنين اللي ماټ ماكنتش عرفتنا وعرفناك ياحبيبي 
قالها أمين وهو يربت علي ذراعه ليؤكد رضوان أبوك عنده حق ياجسار ربنا مش بيعمل حاجة وحشة وبإذن الله هيجبرك انت وبنتي 
قبلته خالته جمانة وهي تغمغم بحنان وهتجيبوا بنت زي القمر وتسموها ريحانة كمان 
ابتسم لها بعاطفة جديدة ولثم يدها ثم قال عندكم حق أنا هروح لشمس عشان
لازم تكون وسطينا في اللحظة دي 
يحمد الله انه وجدها مازالت متيقطة قبل أخذ جرعة مهديء جديدة دنى منها وهو يطالعها بنظرة يفيض منها كل حبه وحنانه وهو يهمس شمسي 
التفتت اليه لتقابله بوجه شاحب وبنظرة جامدة خلت منها الحياة تتلوي بجمر ظنها المخيف أن الرجل الذي تزوجته وحملت طفله يمكن أن يكون شقيقها وتمتم بحنان شمسي عندي ليكي مفاجأة هتخليكي تقومي ترقصي من الفرحة 
رمقته بجمود كأن ما عاد شيء يفرحها حتي واصل 
أنا خلاص عرفت مين أهلي ياشمس 
انتبهت له بعين محدقة بريبة ليستطرد أنا وانتي طلع دمنا واحد كان مكتوب نتقابل ونحب بعض عشان بسببك انتي أوصل لجذوري واعرفها أيوة ياشمسالفضل بعد ربنا اني اعرف اهلي هو انتي ياحبيبتي صحيح فقدنا ابننا بس ربنا عوضني بعيلتي الحقيقية 
عيناه تدور على تقاسيم وجهه بحيرة فرحته وحماس حروفه ينسف ظنها المخيف بقوة!
أنا ابن عمك ياشمسي أبن أمين 
اتسعت عيناها حد الجحوظ المرعب ونهضت من فراشها
وكاد الوهن والضعف يسقطها أرضا 
يعني انت مش 
مش ايه ياحبيبتي
لبثت نظراتها تتشرب وجهه وهي تبكي مهارة مع قولها الحمد لله يارب الحمد لله انك طلعت ابن عمي وحبيبي وجوزي وروحي 
وقال أيوة ياحبيبتي انا كل حاجة ليكي وزي ما ربنا جمعني بأهلي هيعوضنا خير بس انتي خفي وارجعيلي تاني أنتي وحشتيني ياشمس نوري دنيتي بضحكتك تاني وواثق ربنا يرزقنا بدال اللي راح 
ظلت تعانقه وتبكي الآن فقط عادت لها الحياة كل شيء يمكن تعويضه إلا ما كانت تظنه وتخافه 
شوفتي القدر يا شمس روحي عرفت اخويا من غير ما افهم ليه منجذبة له كنت دايما اقولك مش عارفة اسمي مشاعري ناحية جسار ايه دلوقت بس فهمتها 
هتفت بها سارة بشرود لتربت على كتفها الأخيرة 
فعلا أنتي بالذات يا سارة قلبك كان دليلك 
وانتي مفيش مرة حسيتي إن دمك حن لجسار
غامت بعيناها مستعيدة لقطات خاطفة من عمر تعارفهماي ومرة تانية لما شوفته في مكتبه حزين حسيت بخنقة غريبة مافهمتش سببها ولما جه اشتغل معانا فرحت جوايا ولقيتني بعامله بود استغربته فيا وكنت فاكرة اني هكون فظة معاه بس مقدرتش في حاجة كانت بتشدني لجسار بس داريتها عشانك لما افتكرتك بتحبيه بس اما اتجوزنا اتملكت مني اكتر وحسيت انه حتة ولما حكيت لأمي اني متعلقة اوي به قالتلي لأنه حنين بس هو كمان كان عنده نفس الشعور 
سبحان الله فعلا دمنا حن لبعضه 
فعلا ادعيلي يا سارة أقدر اعوضه اللي فات واحققله حلمه بعزوة من صلبه 
يارب يعوضكم اللي راح حبيبتي 
عصفت عيناها بحزن كلام الدكتور بيقول انه هيبقي صعب 
بس ربنا لا يصعب عليه شيء 
أومأت لها ونعم بالله يا
سارة 
طب هو فين أخويا 
عمي أمين اخده عنده في الأوضة بتاعته فوق خلينا نستناهم أكيد عمي لسه مش مصدق انه رجعله وعايز يشبع منه ولعلمك ممكن بابا يصمم تعيشوا معاه في الفيلا خصوصا لما اتجوز أنا و البيت هيفضى 
أقرت برأيها زي ما جسار يقرر ولو اني حبيت بيتي اوي 
عادي يا شمس بيتك هيفضل موجود برضو وتبقي بين هنا وهناك 
تنهدت الأخيرة ربنا ييسر الخير يا سارة خلي كل حاجة لوقتها 
وافقتها الأخرى وقلبها لا يزال يحتفل بظهور شقيق لها
كم كانت تحبه دون أن تعلم
يتبع
الفصل السابع
عشر
طغيان الشوق اكتسح روحه وهو يتتبع أبيه حيث غرفته سيل المفاجأت والخبايا لا يزال يهطل من سماءه منحة بعد منحة يتلقاها جسار وداخله يذوب حمدا لله من فرط كرمه بعد أن كاد اليأس ېمزق خافقه ولأنه عاش عمرا لا يدري شيئا عن والدته صار بتسأل مثل طفل لحوح فضولي
كلمني عن ماما يا بابا 
كانت بتحب ايه 
پتكره ايه
ملامحها تشبهني
أكيد كانت جميلة صح
ليها معاك صور
أسئلة انسابت من شفتيه وهو يجالس والده فرمقه أمين بحنان طاغي وتركه في موضعه متوجها لزاوية ما بغرفته ومن إحدي الأرفف الموصودة بخزانته جلب له ألبوم صور قديم يحتفظ بين صفحاته بذكراياته القصيرة مع زوجته الراحلة ريحانة 
انتزاعه جسار من يد أبيه بلهفة شديدة و راح يتصفح ألبوم الصور المكتظ ملامحها الحبيبة ليتآوه قلبه وهو يرى ملامح والدته للمرة الأولى وعيناه تحتضن محياها بشغف سحابة دموعه تكثفت وفاضت من عينه لتنهمر دون شعوره وهو ينهل من صورها القديمة وهي شابة جميلة هنا تبتسم هنا تضحك هنا تتعانق بأناملها مع أنامل والده هنا تأكل 
كلما تصفح الصور كلما ازدادت دموعه ليجرفها أمين له بحنان وهو يغمغم كانت ملاك من كتر طيبتها كل الصفات الحلوة كانت في أمك ريحانة كانت زي أسمها عبيرها بيتخلل جواك من غير ماتحس 
خسارة مش واخد من ملامح أمي حاجة 
قالها جسار بحسرة حقيقية ليهتف والده أنت واخد شعرها وشكل الحاجب ووارث منها حساسيتك للألبان 
ثم ملس علي شعره وقالتعرف أنا عندي ليك حاجة هتفرحك جدا يا حبيبي هدية من أمك ريحانة ويمكن تكون بشړة خير للي جاي 
راقبه جسار وجذوة لهفته لا تنطفيء و والده يتركه وقت قصير ليعود ومعه حقيبة كبيرة فض له ما فيها ليبصر جسار ملابس متنوعة وأشياء كثيرة تخص طفل رضيع وأبيه يوضح
دي هدوم ولعب والدتك كانت اشتريتهم عشانك لما وصل حملها فيك للشهر السابع دي كل حاجتك اللي هي أختارتها بذوقها كانت بتنتظرك بفارغ الصبر سبحان الله ماكانش ليك فيهم نصيب يا ابني كأنهم اتجابو لولادك مش ليك انت 
واستطرد وهو يربت علي وجنته بحب ولادك ياجسار اللي ربنا هيكرمك بيهم بإذن الله أول حاجة هتلمس جسمهم الهدوم اللي أختارتها والدتك اللي هي جدتهم 
بحرص كبير كأنه يحتوي بين يديه ماسة غالية التقط جسار قطع الملابس الصغيرة وراح يتشمم عبقها بشوق وعين خياله تجسد له والدته أمامه وهي تبتسم القدر كان رحيم به ادخر له هداياها لتكون زاده وزواده بعد الفراق كل قطعه ملابس تحكي له شيء عنها الألون التي كانت تفضلها ذوقها الرقيق حتى في ألعابه الصغيرة أوعدك اعوضك كل اللي فات من اللحظة دي هتاخد كل حاجة أولهم أسمي انت كبير عيلة أمين الرشيدي كل اللي املكه بقي ليك 
بدا جسار كأنه بعالم أخر لا يسمع والده غارق بين أشيائها يتخيلها معه تلاعبه بتلك الألعاب تفهم أمين شروده وقدره فمكث يتأمله بصمت ليرتوي منه ومازال لا يصدق أن طفله عاد إليه شابا يتعكز عليه في أخر العمر 
مبروك رجوع ابنك يا أمين
رغم أن عودة أبنه رحمة من رب العالمين ليكون سندا له ولشقيقته سارة وابنتها الوحيدة إلا أن شعور الغيرة بدأ يثقب قلبها بسهامه الچارحة بعد هذا العمر وهي تسمع أمين زوجها يحدث ابنه جسار و يتغنى بسيرة والدته ريحانة ويذكرها له بحنان كأن رجوع
جسار أحيا عاطفة زوجها تجاه زوجته الراحلة لا تعرف ما الذي يحدث معها هل تبالغ حين تغار من سيدة لما تعد موجودة بدنياهم حقا لا تدري 
تنهدت صابرين بقلة حيلة هي بكل الأحوال تخفي مشاعرها تلك ولن يعلم عنها أحد 
الله يبارك فيكي يا صابرين ربنا كريم وحفظلي ابني ورجعه لحضني تاني 
تبسمت له بتوتر الحمد لله يا أمين أن ربنا جمعكم 
لاحظ غموضا بعيناها وطيف حزن تحاول إخفاءه فتسال باهتمام مالك يا غالية
أبدا مافيش حاجة 
امسك كفها برفق و قال لو بعد العمر ده كله ماعرفتش اقرا عيون مراتي يا صابرين يبقي اللي بينا ماكانتش عشرة 
حدجته مليا قبل أن تهمس وعيوني بتقولك ايه يا امين 
منحها ابتسامة رائقة وهو يخبرها بتقولي انك ماتعرفيش غلاوتك عندي يا شريكة العمر 
برقت مقلتيها برضا فاستطرد أنتي عشرة
سنين طويلة عشنا فيها كل حاجة ام بنتي ونور عيوني الصدر الحنين اللي بلاقيه لما احتاجه 
لمعت عيناها بسحابة دموع من إظهار مشاعره بما ترضاها وربت على قلبها وهو يواصل موضحا لها كلامي عن ريحانة والدة جسار ده حقه عليا لأنه اتحرم من أمه أقل حاجة اعوضه بيها اني اكلمه عنها ده مسكين