روايه للخذلان وجه اخر

اتكلمت بتقول شكل للبيع ولا ايه
سيف ... بحسب ها جهزتي اجيلك 
سمية .. اه خلصت الشنط هجهز علي ما انت توصل تمام
سيف .. ماشي مسافة الطريق هكون عندك سلام 
سميه جهزت و شويه و سيف وصل و اول ما شافها بصلها بشوق بيحاول يدارية و مش عارف يمكن منطقش وحشتيني بس قالها بعينيه و هي ردت عليها بنفس الطريقة 
سيف ... اتاخرت عليكي 
سمية .. لا ابدا 
سيف ... تمام يلا بينا 
اتحركو و طول الطريق الاتنين ساكتين كل واحد فيهم كان جواة صراع بسبب المشاعر اللي حاسس بيها للطرف الآخر ... كل واحد فيهم بيلوم نفسه و يشجعها في نفس الوقت محسوش بالوقت ازاي عدي و وصلو كانت نرمين وحسين قدام البيت لسه هيطلعو هما كمان و البنات اول ما شافو بعد سلمو علي بعض جامد و سيف و حسين اتعرفو علي بعض الاطمئنان دخل قلوبهم 
بعد وقت قليل كان سيف وحسين مشيو و فضلو البنات مع بعض يوضبو في الشقة و يتكلمو علي تفاصيل المشروع اللي عايزين يبدؤه سوا لحد ما تلفون سمية رن برقم خالد 
سمية ... مش معقول مرتين في اليوم كتير والله 
خالد بهدوء .. سمية اهلك عايزين يتفاوضو معاكي شخصيا و دلوقتي حالا كمان 
سمية پخوف ... لا لا شخصيا ايه و دلوقتي اية اتصرف انت يا خالد انا لا مش هقدر اشوفهم
خالد ... متقلقيش هنتقابل كلنا عند سيف في شركتة انا اقترحت كدة و هما وافقو يلا بس سيف هيرجعلك تاني دلوقتي وانا هتحرك من هنا معاهم ع هناك 
سمية باعتراض .. يا خالد 
خالد قاطعها ... سمية ثقي فيا انتي هتكوني معايا و مع سيف مټخافيش يلا اجهزي سيف راجعلك سلام 
مدهاش اي فرصه للاعتراض وقفل ميرنا و نرمين كانو متابعينها و شافو الخۏف والړعب اللي اترسم علي ملامحها بعد ما المكالمة خلصت قربت منها ميرنا 
ميرنا ... سمية في ايه 
سمية پخوف ... ع عايزني أقابل اهلي يا ميرنا و دلوقتي حالا كمان ا انا بخاف اوي منهم بخاف منة هو بالذات انا مش. عارفه اعمل ايه وعيطت جامد 
نرمين ... حبيبتي ممكن تهدي انتي هتقابليهم لوحدك 
سمية هزت راسها بنفي... لا خالد بيقول في شركة عند سيف وهما الاتنين هيكونو معايا 
ميرنا بتشجيع ... طيب تمام خاېفة اوي كدة ليه دي مواجهه لابد منها يا سمية وانتي قوية و قدها تحبي نتصل ب مني و تكلميها 
سمية .. اه اكيد هكلمها بس عن ازنكم هكلم سيف الاول احاول افهم منه وبعدين اكلم مني 
نرمين ... اوكي يا حبيبتي

ع راحتك 
دخلت سمية الاوضه و قفلت الباب و طلبت رقم سيف و ثواني و رد عليها 
سيف ... أيوة يا سمية
سمية ... أنا مش عايزة اشوف حد يا سيف اتصرف انت 
سيف بضيق ... مينفعش هما طالبين يشوفوكي انتي شخصيا و وعدو خالد أن لو دا حصل الأمور هتتحل ودي و خالد شايف أن دي فرصه لانك مش هتفضلي هربانة كدة 
سمية كشرت ... مش عارفين انك جوزي قولهم جوزها وهتكلم بالنيابة عنها
سيف ... جوازنا باطل يا سمية و أنا وانتي عارفين كدة كويس وقانونا و شرعا عاصم هو اللي جوزك مش انا 
سمية بعصبية ...
اتصرف انت انا مليش دعوة 
سيف پغضب ... اتصررررف ازاااي بقولك جوزك جوووووزك ايه مبتفهميش هعمل ايه انا هه 
سمية بصوت مخڼوق ... اوكي متعملش حاجة انا جاهزة سلام 
وقفلت بسرعه و اڼهارت في العياط و للحظة حست أن حكايتها مع سيف خلصت من قبل ما تبتدي مقدرتش تتصل ب مني حاولت هي تهدي نفسها 
سمية ل نفسها .. هو معاه حق دي مشكلتي انا انا بس اللي اقدر احلها كفاية المشاكل اللي سببتهلهم كفايه اوي كدة 
خرجت من الاوضه لاقت نرمين بتجهز هي كمان 
سمية .. انتي خارجة 
نرمين .. اه هروح اشوف بابا و بعدها هطلع اشوف ادم و ارجع و ميرنا كمان رايحة للدكتور عشان تسأله ع حوار خالد و سليم 
سمية ... اوكي 
نرمين ... هتعملي ايه 
سمية ... هروح اشوف عايزين ايه مني 
نرمين ... تحبي أجي معاكي 
سمية ... لا روحي شوفي ابنك انا تمام 
نرمين .. لا انتي شكلك مش تمام في ايه
سمية .. مفيش يا نرمين انا ا خاېفة 
نرمين .. حبيبتي لازم تبقي أقوي من كدة مش هيقدرو يعملو حاجة بقولك ايه هتصل ب عمرو و اقولو أني هروحلو بكرة الصبح و هاجي معاكي مش هقدر اسيبك لوحدك وانتي كدة 
سمية لسه هتعترض قاطعتها نرمين ... ولا كلمة خلاص اسكتي بقا خليني اكلم عمرو 
كلمت نرمين عمرو واجلت معادها معاه و جهزت و شوية و سيف اتصل علي سمية كنسلت و نزلت مع نرمين ... سيف بعد ما قفل معاها اضايق من نفسه هو كان متعصب ڠضبان احساسة بالعجز أنه مش قادر ولا عارف ازاي يساعد حبيبتة مجننة و هي ضغطت عليه كان عارف انها حساسة و أنها اكيد ترجمت كلامة وعصبيتة بطريقة تانيه و دا ضايقة اكتر 
سمية ... مساء الخير يا سيف نرمين هتيجي معايا 
سيف ... مساء النور اوكي تمام .. ازيك يا نرمين
نرمين ... تمام ازيك 
سيف ... تمام يلا بينا
ركبت سمية جمب سيف و هي مكشرة و نرمين ركبت ورا .. طول الطريق كلهم ساكتين سيف كان مضايق من وجود نرمين كان عايز يصالح سمية و يعتذر عن عصبيتة قبل ما تطلع بس مع وجود نرمين اضطر يسكت ... وصلو قدام الشركة و طلعو كان خالد و عاصم و بكر موجودين فوق 
عاصم ملامحة كانت كلها ڠضب أما بكر كان باين أن سمية وحشتة اوي مع أنة كان بيحاول يبين العكس 
سيف .. مساء الخير .. معلش اتاخرنا عليكم 
خالد ... لا ابدا احنا لسة واصلين 
بكر ... مش هتسلمي علينا يا سمية 
سمية بتوتر ... ازي حضرتك يا جدو ا ازيك يا عاصم
بكر ... بخير يا بنتي وحشتني يا حبيبتي
عاصم بقوة ... نتكلم في المهم بقا و اللي احنا جايين عشانة 
خالد ... تمام نسمع طلباتكم 
عاصم ... طبعا احنا فهمنا أن موضوع الجواز دا كان اي كلام عشان حوار اللي اسمة دياب دا ف دلوقتي قدامك اختيارين ملهمش تالت 
سمية ... اللي هما
عاصم ... يا ترجعي تعيشي معانا زي زمان و تبقي تفتكري علي مهلك بقا يا تتنازلي عن نصيبك في ميراث عمي الله يرحمة و اطلقك و تعملي ال انتي عايزاة بعيد عننا 
سيف لسه هيتكلم سمية سبقتة ... و انا موافقة أتنازل عن نصيبي في الميراث و نتطلق انا عايزة ابدء حياتي لوحدي زي ما انا عايزة وبصت لجدها ولو جدو سمحلي ابقي اتصل اطمن عليه تمام مش حبين كدة و عايزني ابعد خالص اوكي بردو زي ما تحبو
بكر ... فكري تاني يا بنتي و تعالي عيشي معانا
سمية. .. دا قراري النهائي يا جدو 
بكر ... خلاص زي. ما تحبي بس عرفيني مكانك عشان اطمن عليكي من وقت للتاني يا حبيبتي
سمية ... حاضر .. الورق هيكون جاهز امتي 
عاصم ... الورق معايا اهو لو متأكدة من قرارك نخلص دلوقتي حالا 
سيف ... سمية فكري تاني بلاش تسرع خلينا ناخد كام يوم تتاكدي فيهم من قرارك دا
سيف كان مضايق أنها هتتنازل عن ميراثها كله ... سمية فهمت أنه عايزاها تفكر في جوازها من عاصم و ترجعلو 
سمية كشرت ... انا واثقة في قراري و مش هغيرو دي حياتي انا وانا
حرة فيها ... ياريت ننزل عند اي مأذون تطلقني و امضيلك

علي اي ورق انت عايزة 
عاصم ... تمام يلا 
سمية مسكت في ايد نرمين و نرمين ضغطت علي أيدها تطمنها أنها معاها و نزلو علي اقرب مأذون وهناك عاصم طلق سمية و هي مضت علي ورق التنازل و بكر هو اللي وصلها بالعربيه بتاعتة عشان يعرف عنوانها فين و يطمن عليها وسيف رجع مضايق ومخڼوق بدل ما يصالحها عك الدنيا زيادة 
______________
عند ميرنا .. وصلت عند الدكتور و حمزة استناها تحت و بعد نص ساعه انتظار نزلت هي وسليم 
حمزة ... ايه الاخبار 
ميرنا ... تمام قالي يقابلو عادي بس دا يكون علي فترات منتظمة يعني يا خالد يوافق يشوف سليم مثلا مرة كل شهر يا بلاش خالص 
حمزة ... طيب هتعملي ايه 
ميرنا ... هتصل دلوقتي ب هند تبلغ خالد و ترد عليا و اقولها كمان علي خطوبيتنا انا عايزة اعزمها هي وعمي محي بعد ازنك طبعا 
حمزة ... حبيبتي دا يومك انتي اعملي اللي انتي عايزاة فيه 
ميرنا ابتسمت و طلعت رقم هند وثواني وهند ردت
هند ... ميمو يا ميمو وحشتيني
ميرنا ... وانتي كمان يا هنودة عامله ايه
هند ... الحمد لله انتم اخباركم ايه وسولي حبيبي عامل ايه 
ميرنا ... تمام الحمد لله هند معلش هتعبك معايا تبلغي خالد أن الدكتور قالي لو المقابلات هتكون علي فترات منتظمة حتي لو مرة كل شهر تمام لو لا يبقي بلاش خالص حاليا احسن وشوفي هيقولك ايه وعرفيني
هند ... اوكي يا حبيبتي أعتقد أنه هيوافق بس هقولو بردو الاول وأعرفك حاضر
ميرنا ... وفي حاجة كمان 
هند .. خير
ميرنا ... يوم الخميس خطوبتي وهنعمل حفلة صغيرة في البيت هكون مبسوطة اوي لو جيتي انتي وعمو محي
هند بفرحة ... بجد يا ميمو .. الف الف مبروك يا حبيبتي
ميرنا ... الله يبارك فيكي ياقلبي هستناكي بقا هي هتكون في البيت عندنا 
هند ... اكييد هاجي طبعا و بابا كمان عندنا عروسة لولولولوي
ميرنا بضحك ... يا مچنونة فضحتيني 
هند .. خلينا نفرح شوية يا ستي
ميرنا .. ماشي نفرح يلا هقفل بقا واستني تلفونك سلام
ميرنا روحت مبسوطة لكن لما شافت حاله سمية زعلت عشانها و حاولت تهون عليها لكن سمية قفلت ع نفسها و قفلت كمان تلفونها وفضلت ټعيط وبس ميرنا و نرمين ميأسوش وفضلو وراها لحد ما فتحتلهم
ميرنا ... ممكن افهم في ايه وليه كل العياط دا مش دا اللي كنتي عايزاة انك تخلصي من عاصم ايه ال مخليكي مڼهارة اوي كدة 
سمية ... سيف مش بيحبني زي ما اكون كنت حمل ع كتافة كان عايزني موافقش علي طلاقي من عاصم 
نرمين كشرت ... دا اللي فهمتيه من اعتراضه 
سمية ... اومال هي ليها معني تاني يا نرمين 
نرمين ... اه طبعا الاتفاق ع بعضه أن طلاق قصاد تنازلك عن ميراثك ملفتش نظرك أنه ممكن يكون قصدة علي الميراث حقك اللي بسهولة اتنازلتي عنة 
سمية ... يا سلام 
ميرنا ... الاحتمالين موجودين و سهل اوي تعرفي انهي فيهم اللي حقيقي
سمية بلهفه ... ازاي هه قولي 
ميرنا ... لو بيحبك مش هيسيبك