روايه للخذلان وجه اخر

تنامي وانتي فاهمة أنة كان عايزك ترجعي ل عاصم
سمية ... وان محصلش 
ميرنا لسه هترد لاقت تلفون سمية رن برقم سيف 
ميرنا ... الله يسهلو يا سيدي تعالي يا نيرو نستني احنا برة ع ما المكالمة الخصوصي دي تخلص
سمية ... رخمة 
تلفون فصل ورجع رن تاني وسمية ردت 
سمية ... الو 
سيف ... صوتك ماله 
سمية ... مفيش حاجة 
سيف ... سمية انتي فهمتي غلط والله انا كنت عايزك بس تفكري فى حوار ميراثك دا لانة حقك ولو ع الطلاق ف انتي كان ممكن تعملي خلع من غير ما تخسري حاجة من ميراثك بس انتي مدتنيش فرصه اتكلم حتي و تقريبا فهمتي كلامي كلة غلط 
سمية وهي مكشرة ... و عصبيتك عليا قبلها في التلفون 
سيف ... ڠصب عني والله انا فجأة حسيت اني عاجز مش عارف اعملك اي حاجة احساس عجز ع خوف ع ڠضب كانو مسيطرين عليا حقك عليا اسف ياستي
سمية ... ماشي خلاص مش زعلانة بس عايزاك تعرف اني مكنتش هقدر استني
قضية و اجراءات مكنتش هقدر ابقي علي زمتة كل دا وكدة أو كدة انا عايزة ابدء حياتي بعيد عنهم خالص عشان كدة مترددتش لحظة اني اوافق علي عرض عاصم 
سيف ... ممكن اسالك سؤال ولو محبتيش تجاوبي عادي مش هزعل 
سمية ... سؤال ايه 
سيف ... انا ليه حسك معندكيش فضول تعرفي ماضيكي ايه حياتك كانت ازاي وليه عاصم اتكلم بالطريقة دي يوم الحفلة لما شافك كل دي أسئلة ازاي مش عايزة تعرفي اجابتهم
سمية اتنهدت ... مسالتش انت نفسك ازاي كنت بخرف طول الوقت باسم عاصم وافتكر مشاهد من ماضي بيجمعني بيه و مع ذلك مرجعتليش الذاكرة لحد دلوقتي 
سيف ... ويا تري ليه 
سمية ... لاني من جوايا يا سيف مش عايزة افتكر متأكدة أن حياتي كانت مش سعيدة ابدا واني كنت

حزينة فيها و مقهورة ومش عايزاها ولا عايزة افتكرها عايزة ابدء سمية جديدة حياة جديدة مش عايزة سمية اللي كانت ضعيفة عايزاها قوية دا السبب 
سيف ... و يا تري انا وصفية هنكون في حياة سمية الجديدة ولا لا 
سمية ... والله دا بيتوقف عليكم انتم عايزين تكونو معايا ولا لا 
سيف ... اكيد طبعا وبعدين بمزاجك أو ڠصب عنك احنا هنفضل في حياتك العمر كله 
سمية ببتسامة ... ماشي يا سيدي قول ل صفيه تعمل حسابها أن الخميس خطوبه ميرنا وانا قولتلها اني هعزمها 
سيف ... صفيه بس 
سمية ... تؤ وأخو صفيه و حظابط كمان 
سمية فضلت ترغي كتير مع سيف والبنات لما سمعو صوت ضحكها اطمنو عليها 
نرمين تاني يوم راحت ل عمرو عشان تشوف ادم و قبل ما تمشي من عندة عزمتة علي خطوبة ميرنا و طلبت منه يجيب ادم ويجي يشوف المكان اللي هي ساكنة فية و حياتها الجديدة عشان يطمن اكتر لما تاخد منه ادم و عمرو وافق 
و جة يوم الخطوبة ميرنا من اول ما صحيت وهي متوترة جدا هند مردتش عليها في حوار خالد و دا شيء كانت مستغرباة جدا خاېفة تحصل حاجة تنكد عليها في يوم هي مستنياة بقالها كتير البنات من اول ما صحيو كانو معاها 
سمية ... افرحي يا عروسة انا العريس لولولولولوي 
حنان ... ربنا يفرح قلوبكم يا حبايبي يارب وافرح بيكم انتم كمان 
سمية ... امين يارب يا طنط
حنان ... اية طنط اللي انتي مسكهالي دي 
سمية ... اومال اقول ل حضرتك ايه 
حنان ... تقوليلي يا ماما عندك مانع
سمية ... لا طبعا أنا اطول اصلا ... ممكن حضڼ بقا
حنان فردت دراعتها ل سمية و نرمين كمان قربت منهم و حنان هي كمان 
ميرنا كانت مبسوطة أن هي و امها اخيرا مبقوش لوحدهم تاني ... 
نرمين ... ميمو انا هروح مشوار وارجع ع طول مش هتاخر عليكي 
ميرنا ... رايحة فين مش عمرو هيبجب ادم ويجي بالليل 
نرمين ... اه انا رايحة ل بابا هحاول تاني معاه لوحدي من غير عمي 
سمية ... تحبي أجي معاكي
نرمين ... لا طبعا خليكي مع ميرنا وانا هرجع علي طول يلا سلام 
وصلت نرمين قدام البيت و هي متوتره كالعادة بس المختلف المرة دي أن عندها تصميم و ارادة أن ابوها يسامحها أو ع الأقل يسمعها رنت الجرس و ثواني الباب اتفتح
عبد الله ... انتي مبتزهقيش 
نرمين ... لا مش هزهق ابدا .. ممكن تسمعني مرة واحدة بس 
عبد الله ... لا 
وقبل ما ترد قفل باب الشقة بس نرمين ابتسمت و كملت كلام لأنها واثقة أن ابوها سامعها
نرمين ... انا عارفه انك سمعني يا بابا ... و عارفه انك موجوع عليا اكتر من انك زعلان مني ... بس ربنا مش بيعمل حاجة وحشه ابدا انا كان لازم اخد قلم جامد كدة عشان افوق ل نفسي و ل ابني ... كان لازم اتوجع اوي كدة عشان اتعلم الدرس كويس ... انا عارفه أن اي كلمة اسف مش هتعمل حاجة للقهرة اللي انا كنت سبب فيها بس والله يا بابا انا اتغيرت اوي انا دلوقتي ببدء شغل مع بنات اكيد عمرو حكالك عنهم بعتمد علي نفسي و هربي ابني كويس حواليا ناس بتساعدني بس انا محتجالكم اوي ... بابا سامحني
و خلينا نبدء صفحة جديدة .. طب حاول حتي عشان خاطري عاقبني وانا جمبك و تحت عينيك بابا انت 
__________بقلم_مني_________
الليل بدء يهل و معاه مظاهر الفرحة اللي كانت غيبة عنهم بقالها سنين كل واحدة فيهم حست أن اليوم دا بدايه لحياة جديدة 
حمزة وصل و عينيه بتدور علي ميرنا 
حنان ... اهلا اهلا يا عريس 
حمزة ... ازيك يا ماما عامله ايه
حنان ... الحمد لله يا حبيبي تعالي اتفضل ميرنا و البنات خلاص قربو يخلصو 
حمزة كشړ ... كل دا ومخلصوش 
حنان ... مستعجل اوي 
حمزة ... وحشتني طيب اعمل ايه 
سليم جري علي حمزة 
سليم ... سليم حب حمزة حبك 
حمزة جامد ... وانا بحبك و بمۏت فيك كمان 
حنان .. دا اول مرة يقول كدة ميرنا لما تسمعه هتفرح اوي 
جرس الباب رن فتح حمزة 
حمزة ... أيوة 
سيف بحرج ... احم مش دا بيت مدام حنان 
حمزة ... أيوة هو .. انتم ضيوف سمية ولا نرمين 
سيف ... سمية 
حمزة ... اهلا وسهلا نورتنا اتفضلو 
حنان ... اهلا يا حبايبي اتفضلو ثواني و البنات هتخرج أهو 
دخلت مني 
مني ... حنونة الف مبروك اومال فين العروسة 
حنان ... الله يبارك فيكي حبيبتي اتفضلي خارجة اهي خلاص
خرجت ميرنا وهي مكسوفة جدا كانت لابسه فستان اوف وايت وفي خطوط دهبي وعمله ميكب رقيق جدا و وراها نرمين و سمية 
حمزة ... ماشاء الله حبيبتي زي القمر ديما 
ميرنا ... انا مكسوفة اوي ما كنا معملناش حاجة وخلاص 
حمزة ... ليه بس دا انا طاير من الفرحة
سمية ... اهلا اهلا اتاخرتو ليه 
صفيه ... ع اساس انك كنتي

وافقه ع باب مستنيانا 
سمية ... والله لسانك الطويل دا وحشني 
صفية ... انتي وحشتيني اكتر البيت وحش من غيرك 
خالد .. عامله ايه يا سمية .
سمية ... الحمد لله يا خالد تمام جدا 
سيف ... بس ايه الحلاوة دي 
سمية بكسوف ... شكرا من زوقك
هند دخلت من الباب و هي شايلة بوكيه ورد كبير قربت منها ميرنا بسرعه 
ميرنا ... هند مبسوطة انك جيتي بجد 
هند ... الف مبروك يا حبيبتي ربنا يتمملك علي خير يارب
ميرنا ... يارب تسلملي .. اومال فين عمي 
هند بتهرب ... معلش جاله شغل مهم مقدرش يجي بس بيبلغك أنه هيجيلك يوم مخصوص يباركلك و يتعرف علي حمزة 
ميرنا ... مخبيه عني ايه يا هند 
هند ... مش مخبيه حاجة يا ستي وخالد وافق أنه يشوف سليم بشكل منتظم و منتظر منك تحدديلة اول معاد 
ميرنا ... ماشي هظبط معاد و ابلغك و هعرف بردو مخبيه عني ايه 
حنان قربت منهم ... اهلا يا هند 
هند ... ازيك يا طنط الف مبروك ل ميرنا
حنان ... الله يبارك فيكي عقبالك يا حبيبتي
ميرنا ... عن ازنك يا هند هروح اسلم ع ضيوف سمية 
هند ... اتفضلي يا عروسة
حنان ... مالك يا بنتي و ابوكي مجاش معاكي زي ما قولتي ليه في حاجة حصلت 
هند بحزن .. بابا طلق ماما من يومين 
حنان ... لا حول ولا قوه الا بالله ليه بس كدة بعد العمر دا كلو 
هند ... ماما اتغيرت كتير يا طنط و تقريبا من وقت طلاق ميرنا و خالد وهما في مشاكل سوا و كل يوم البعد بيزيد بينهم و مش بس هما لا ماما بعدت عني أنا كمان وبقيت ديما مع صحابها و سفريتها و لما تيجي تجري ع خالد و ولادة ولا كان ليها بنت ولا بيت 
حنان ... يا حبيبتي هوني علي نفسك معلش فترة وان شاء الله ربنا يهدي النفوس واعرفي إننا ديما جمبك في اي وقت 
هند ... عارفه يا طنط ربنا يخليكي لينا يارب 
________بقلم_مني_________
نرمين كانت عينيها علي الباب منتظرة ابوها و عمرو وادم بفارغ الصبر واخير ظهروا
نرمين ... ادم حبيبي وحشتني اوي ... ازيك يا بابا .. ازيك يا عمرو 
عبد الله .. الحمد لله مبروك ل صحبتك 
نرمين ... الله يبارك فيك يا حبيبي
عمرو ... مبروك يا نرمين 
نرمين ... الله يبارك فيك يا عمرو شكرا بجد انك جيت 
عمرو عينيه اتعلقت فجأة بللي بتتكلم والحزن مرسوم علي وشها لفتت نظرة و حس بقلبة بيدق جامد اوي 
عمرو ... نرمين بقولك ايه 
نرمين ... قول 
عمرو ... عايز منك خدمة 
نرمين ...
انت تأمر طبعا 
عمرو ... ال بنت اللي بتتكلم هناك دي اللي لابسة اسود مين تعرفيها 
نرمين بصت علي هند ... لا بس ممكن اعرف 
عمرو ببتسامة ... من غير همز بس دا مجرد سؤال
نرمين ... وماله بس كل حاجة بتمنها علي فكرة 
عمرو .. عايزة اية 
نرمين ... اول ما ابدء شغل تسيبلي ادم بقا و بعدين واضح اهو أن هيكون وراك حاجات تانيه مهمه 
عمرو ... يا ساتر عليكي كل دا من سؤال خلاص مش عايز اعرف 
نرمين ... خلاص بقا قلتلك هظبطلك الدنيا بس ايه بينا ديل ولا لا
عمرو ببتسامة ... اصلا من غير ما تقولي ادم معاكي من انهاردة و شنطة هدومة معايا تحت في العربيه 
نرمين ... احلف !
عمرو ... هههههههههه والله ادم من انهاردة معاكي خلاص 
نرمين ... أيوة بقا احلي اخ في الدنيا ثواني اعرفلك كل حاجة عن الأمورة 
________بقلم_مني________
سمية ... ايه يا سيف واخدني بعيد كدة ليه 
سيف ... تتجوزيني 
سمية ... هه
سيف ... هه ايه بقولك تتجوزيني
سمية .. ليه انا خلاص يعني حياتي بقت كويسه و
قاطعها سيف ... هتقولي كلام اهبل هتعصب عليكي سمية انتي اكيد حسه اني بحبك بحبك و ھموت ونبقي سوا تاني اتجوزين
بقا ينوبك فيا ثواب 
سمية ... موافقه 
صفية ... بتقولو ايه كدة علي جمب
سيف ... يا بنتي انتي ورايا ورايا يا فصيلة كنت بقولها اني عايز اتجوزها ويادوب هنحب في بعض طبيتي انتي علينا زي القضا المستعجل
خالد من وراهم ... الف مبروك 
سيف كشړ ... هو يوم باين 
خالد ... طب انا هجيلك انا كمان بقا بكرة البيت عشان عايزك في موضوع نسب 
صفيه اتكسفت جدا و مشيت من قدامهم وسمية جريت وراها 
سيف ... عجبك كدة اهم مشيو 
خالد 
_______بقلم_مني________
وبدأت حياة جديدة لكل واحدة حياة هيتعبو فيها بس وهما سوا و متحاوطين بناس بتحبهم ... كل واحدة فيهم بتكمل في مشوار حياتها بهدف ثابت و ارادة كبيرة 
نرمين ... ادم رجعلها وبدأت شغلها و ابوها وامها جنبها ديما معتمدة علي نفسها و بتكتشف نرمين الجديدة و بتتصاحب عليها ومش لازم يكون عوضها راجل ... كفايه اوي أنها لاقت نفسها و بدأت حياة صح 
سمية ... مكنتش عايزة تفتكر حاجة بدأت مع سيف حياة جديدة وبيحضرو ل جوازهم في اقرب وقت ... ومن وقت للتاني بتتواصل مع جدها فقط 
ميرنا
.... عرفت بطلاق محي و رقيه وزعلت عشان هند و قربت منها اكتر واكتر و سليم ارتبط جدا ب حمزة وبقا يقولو بابا في وقت قليل ومقابلات سليم مع خالد حنان الي بتكون موجودة فيها مش ميرنا 
واخيرا لا خالد ندم ولا اسلام اتعاقب علي اللي عملة في نرمين ... لأن في الواقع مش دا اللي بيحصل ومش لازم حياتنا تقف لحد ما نتنقم أو نشوف حاجة وحشه بتحصل للي واذانا لا لازم نرمية ورا ضهرنا ونكمل من غير ما نبص لحظة واحدة ورانا 
تمت....