روايه جديده

دخلت إلي القصر ومن ثم إتجهت إلي مكتبه عندما رأت إضاءته من أسفل الباب 
دفعت الباب بقوة وأصوات أنفاسها المرتفعه ومظهرها كمن فقدت عقلها ... 
ياريت تكوني اتعلمتي الدرس وعقلتي ... قالها قصي ببرود أثار ڠضبها أكثر
أقتربت منه ليقف أمامها فصاحت ف وجهه وقالت 
أنا لحد قبل الي عملته ف يونس كنت بعتبرك أخويا لكن بعد الي عملتو فيه أنت لا أخويا ولا أعرفك ومن النهارده أنسي إن ليك أخت
قهقه بإستفزازيه وقال أنا جيتلك لحد عندك وحذرتك وأنتي أتحددتني فمتلوميش غير نفسك ... أحتدت عينيه وأستطرد حديثه أحمدي ربنا إن لسه فيه الروح
لم تشعر بيدها سوي وهي تهوي ع وجهه بصڤعة قويه
١٦
يدلف إلي المطبخ باحثا عن أي شئ يأكله فلم يجد سوي باقية أطعمة تنبعث منها رائحة حمضية ... فتأفف ثم قال بضيق 
وبعدين ف السفيرة عزيزه الي نايمالي لحد الضهر دي
ذهب ودخل إلي الغرفة ليجدها مازالت نائمة ... فلكزها بغلظة وقال 
أومي يا حلوه كل ده نوم
أستيقظت بفزع وهي تشعر بوخز ف زراعها من أنامله التي كادت تخترق بشرتها الناعمه
أي التخلف ده فيه حد يصحي حد نايم كده !!!.... صاحت بها رحمه
جز ع أسنانه وقال مين الي متخلف يابنت ال ... 
نهضت وهي تقف ع الفراش بركبتيها وصاحت بتحدي أهو أنت الي ابن ...... ومتشتمنيش بأبويا الله يرحمه تاني
وأن تفوهت هكذا ليتحول ذلك العادل إلي وحش كاسر ليجذبها من خصلاتها بقوة فصړخت بأعلي صوتها
اااااااااه سيب شعري يا حيوان .... ااااااه
أخذ يصفعها ع كل مكان بجسدها وهي تصرخ تحاول التملص من قبضته ويل لها من خصلاتها التي كادت تقتلع ف يده أو ويلها من يده التي تشبه مطرقة الحداد ف قوة ضربها
وفي منزل عديلة بالأسفل ....
فاتن تقف أمام المرآه تقوم بفرد شعرها بمكواة الشعر ... ليأتي من خلفها شقيقها الأوسط ويصفعها ع مؤخرة رأسها
ماتلم نفسك يا علاء وقسما بالله لو ضړبتني بالقفا تاني لهقول لأمك ع الفيديوهات إياها الي لقيتها ع موبايلك .... صاحت بها فاتن
جذبها پعنف من زراعها وقال 
وأنتي يا روح أمك بتفتشي ف موبايلي ليه وبتتفرجي كمان ... ده أنتي كده عيزالك علقھ مش قفا
وكاد يعتدي عليها بالضړب فأمسكت المكواه وقامت بتهديده وربنا لو قربت مني لألسعك بالمكواه ف وشك الحلو ده
أنتي يا زفته حسك جايب لأخر الحاره ... قالتها عديلة
فاتن يعني عجبك إبنك الي بيعملو ده !!!
علاء وهكسر رقبتك لو ما احترمتيش نفسك معايا
أشارت إليهم عديله بالصمت حينما وصل إلي مسمعها صوت صرخات رحمة ثم صوت عادل الذي يسبها بأفظع الشتائم والسباب
عديله بصياح ناوليني الطرحه يابت لما اطلع اشوف بنت الرفدي عملت ف أخوكي أي
أعطتها فاتن الحجاب وقالت هي برضو ده إبنك شكله بيفرمها فوق
ركض ثلاثتهم وصعدوا بالأعلي ... أخرجت عديله المفتاح من فتحة الصدر لعباءتها وقامت بفتح الباب .. لتقع أعينهم ع رحمه الملقاه ف الأرض وخصلات شعرها مشعثة وثيابها ممزقه يكاد يغطي مفاتنها ثيابها الداخلية ... وقف علاء محدقا بها بنظرات شفقة وحزن ليخلع قميصه ويعطيه لشقيقته لتستر جسد تلك المسكينه ... ركضت نحوها فاتن وهي تساعدها ف النهوض وو ضعت فوقها القميص وتدخلها غرفتها
عديلة عملتلك أي بنت البوسطجي خلاك ټحرق دمك كده
كان يجلس يلتقط أنفاسه بصوت مرتفع وقال بعد لحظات 
صاحي من صباحية ربنا وسايبها نايمه قومت فطرت وقعدت شويه ادام التليفزيون قولت هتصحي تشوف الي وراها وتجهز الغدا برضو نايمه روحت احضرلي اي حاجه اتصبر بيها لاقيت سايبه الأكل من يوم الډخله ع البوتجاز لحد ما حمض ... جيت اصحيها علت صوتها وبتشتمني كمان
عديلة وأشتد حنقها دلفت إلي الغرفه كالعاصفه فوجدت فاتن تحتضن رحمه التي تبكي وتشهق بقوة
عديله بنبرة غاضبه 
فاكره نفسك السفيرة عزيزه يا حلوه مبتقوميش ليه تخدمي جوزك ولا هو متجوزك عشان تنامي 24 ساعه !!
لم تجيب عليها ومازالت تبكي ...
لما أكلمك تردي يابت ... صاحت بها عديلة وهي تلكزها بغل ف كتفها
حرام عليكي ياما مش كفايه الي إبنك عامله فيها .... قالتها فاتن وهي تحمي رحمة بوضع يدها حاجز
عديلة حرمت عليكي عشتك منك ليها ... قومي يابت من هنا وسيبني أفهم بنت ال..... دي هي عايشه هنا تخدم ابني وتشوف طلباته
نهضت رحمه وهي تتحامل ع آلام جسدها وصړخت بصوت غاضب 
كفااااايه بقي أنا عملتلك أي .. اتقي الله ده أنتي عندك بنت مش خاېفه يحصل فيها نفس الي بتعمليه فيا أنتي وابنك
رمقتها فاتن بشفقه وحزن ... لكن عديلة حدقت بها بشړ وقالت 
لاء مش خاېفه لأن بنتي محترمة مش و...... زيك وخطيبها مقفشهاش مع واحد ف الجنينه
مسحت عبراتها ولم تظهر ألم قلبها من تلك المعايره والإهانه فقالت 
طيب لما أنا و....... زي ما بتقولي ليه جوزتيني إبنك ... ثم صړخت بصوت مدوي وأردفت ولا عشان
إبنك مش راجل ولا محصل حتي الولايا
وكادت تهجم عليها ليدفع عادل الباب وهو يصيح ويسب 
مين ده مش راجل يا بنت ال......يا و........
لحق به علاء الذي وقف لشقيقه وقال خديها يافاتن ع تحت بسرعه
جذبتها فاتن من يدها وغادرا مسرعين ... وعلاء كان يمسك بشقيقه و والدته فعلي الرغم من أنه يصغر شقيقه بثلاث سنوات لكن يتمتع ببنية جسدية قوية
سيب إيدي يا ولاه دي أخرتها بتمد إيدك ع أمك !! 
ترك يدها ثم قال مش اصدي
ياما لكن لو سبتك أنتي و إبنك كنت مۏتو البت .... حرام عليكو
عادل يعني ماشايف بتقول أي !!!
علاء معلش امسحها فيا المره دي ... بس خد بالك البت دي لو حصلها حاجه هتروحو ف داهيه ... وأنتي ياما راعي إن عندك بنت زيها ده كلها شهر وفاتن تتجوز يرضيكي يحصل فيها كده 
عديلة بنتي لو قليلة الربايه تستاهل قطم رقبتها بس الحمدلله بنتي متربيه
علاء ربنا يهديها ويهديكي ياما وخفي ع البت شويه
عديلة خليك ف حالك أنا عارفه بعمل أي ... وأنت يا واد ياعادل تعالي ياضنايا أتغدي معايا أنا عامله كل الي بتحبو
زفر علاء بسأم ثم أخذ يتذكر ملامحها الباكية ونظراتها الحزينه التي تقطع القلوب لأشلاء أسفا عليها ... حك فروة رأسه وقال لنفسه أنت عبيط ولا أي دي مرات أخوك يا أهبل .... زفر بتأفف و ذهب قبل أن تحدث كارثه اخري بالأسفل .
تهبط الدرج وهي تستند ع ساعد مربيتها ...
زينات بنبرة سأم مكنش ليه لزوم تنزلي يابنتي أنا بجبلك طلباتك لحد عندك
صبا مش هفضل محپوسه ف أوضتي لحد ماقصي يرجع أنا مخنوقه وعايزه قعد شويه ف الجنينه
تنهدت زينات فقالت ع راحتك يابنتي
وإلي إن وصل كلتاهما أسفل الدرج فأتي صوت صرخات أنثويه تصدر من القبو ...
عقدت حاجبيها وتساءلت أي الصوت ده يا داده هو قصي حابس حد من الشغالين تحت
زينات وهي تحاول إخفاء الأمر 
دد ده هتلاقيه حد مشغل راديو ولا تليفزيون
أفتحووووو عايزه أخرج من هنااااا .... صړخت بها كارين حيث ألقاها قصي منذ الأمس بداخل غرفة بالقبو عقاپا لها
أخذت تبكي بيأس وأسندت ظهرها ع الباب وهي تقول 
أنا عايزه أخرج .. عايزه أشوفه وأطمن عليه .. حرام عليك 
ظلت ترددها بصوت ينخفض تدريجيا
بالخارج بعد إصرارها هبطت إلي القبو لتري مايحدث ...
صبا وهي تشير إلي ذلك الحارس ذو الجسد الضخم 
افتح الباب ده
الحارس وبدون أن ينظر لها أسف يا هانم ممنوع دي أوامر الباشا
صاحت پغضب أوامره دي عليكو مش عليا أفتح أحسنلك
الحارس أسف يا هانم مقدرش
أنفرجت أساريرها عندما سمعت صوت صبا فنهضت وصاحت وهي ټضرب بكفيها ع الباب 
صبا ... أفتحي أرجوكي
زفرت پغضب عندما وجدت لافائدة منه فلاحظت وجود سلاح معلق بحزامه ... فأقتربت منه لتشتت إنتباهه وقالت 
خد بالك هقول للباشا بتاعك إنك منعتني ولما حاولت مديت إيدك عليا وأنت عارف كويس عقابك هيبقي اي ساعتها ... توتر الحارس وتبدل لونه للإصفرار وكاد يتفوه فجذبت منه السلاح بخفة يد وصوبته نحوه وصاحت بقوة 
افتح البااااااب
الحارس بنبرة رجاء أرجوكي الباشا لو عرف هيقتلني
صبا أنت كده كده مېت أفتح وإلا ... وجهت فوهة السلاح صوب رأسها وقالت بټهديد هتفتح ولا ....
أوقفها رافعا كفيه بإستسلام وقال حح حاضر هاتي المسډس الأول
صبا مفيش زفت غير لما تفتح الباب
أذعن لتهديداتها فقام بفتح القفل فدفعته جانبا وولجت إلي الداخل
كارين وهي ترتمي ع صدر صبا تبكي صبا ارجوكي خرجيني من هنا ... قالتها وهي تتشبث بها
ربتت صبا ع ظهرها وقالت اهدي يا حبيبتي بس وفهميني حصل اي وليه قصي حبسك هنا
قالتها وعينيها تتفحص المكان المحفور ف ذاكرتها بذكريات مؤلمة لاسيما ذلك التخت المعدني الذي يشهد ع إعتداءه عليها ... شعرت بالإختناق من وجودها ف هذه الغرفه فقالت 
يلا تعالي نخرج من هنا
الحارس ممنوع يا هانم
صاحت صبا ف وجهه وقالت غور من وشي .. قالتها وهي تسير بعرج وتستند ع كارين وغادرا الغرفه وصعدو للأعلي
كارين وهي تلتفت من حولها ثم همست إلي صبا 
ارجوكي خليني امشي من هنا عايزه اروح اطمن عليه
صبا فهميني بس وأنا هعملك الي أنتي عيزاه بس تعالي ندخل المكتب لحد يسمعنا
وبداخل المكتب ... سردت كارين لها كل ما حدث تحت نظرات صبا المصډومة ...
كارين أنا هاتجنن ياصبا دلوقت يونس زمانه خرج من العمليات من إمبارح ومعهوش حد ومعرفش خالك يعرف ولا لاء
صبا اخوكي مانع الموبايلات كلها من الشغالين عشاني
كارين انا مش عايزه موبايل انا عايزه اخرج من هنا
أبتسمت صبا بتهكم وقالت كنت عرفت أنا أهرب ع الأقل
كارين وهي تمعن التفكير ف كيفية الهروب فقالت أنا عندي فكره بس تساعديني بس بسرعه عشان بالتأكيد بلغو قصي إنك خرجتني من الأوضه
صبا قولي وربنا يستر
كارين .......
تضغط زر الجرس بتواصل ويدها الأخري تطرق بقوه 
فتح طه الباب بفزع ليجد الطارق شيماء تبكي وتقول 
الحقني ياطه ... عبدالله ... قالتها ثم أنهارت بالبكاء أكثر
ركضت خديجه نحوها وجذبتها للداخل وقالت مالك يا شيماء ف أي
طه فهميني عبدالله عاملك حاجه 
أومأت بالنفي وقالت
لاء عبدالله خرج إمبارح ومرجعش وموبايله كان مقفول روحت لأبويا لاقيته مسافر البلد فضلت مستنيه قولت يمكن يرجع والنهارده لاقيت رساله جاتلي بتقول موبايله متاح فأتصلت عليه لاقيت راجل كبير بيقولي إنه ف المستشفي لأن لقاه مرمي ف الشارع سايح ف دمه
طه ثواني هغير هدومي وجاي معاكي
خديجة وأنا جايه معاكو
طه لاء خليكي أنتي عشان بابا مينفعش يقعد لوحدو
شيماء حمدالله ع سلامة عم سالم معلش أنا أتلهيت ف عبدالله
خديجه ولايهمك يا حبيبتي وربنا يطمنك عليه
شيماء ياااارب
طه وهو يخرج من غرفته متجها نحو الباب ليرتدي حذائه